Videnz' kanal (Venäma)

Videnz' kanal (ven.: Пятый канал) om Venäman federaline (vn 2006 redukuspäi) venäkel'ne TV-kanal. Sen tedotelendan keskuz sijadase Piteriš. Rahvahidenkeskeine versii om olmas vn 2018 sulakuspäi («Videnz' kanal International»).

Nügüdläine logotip.

Istorii

TV-kanal om NSTÜ:n da Venäman kaikiš vanhembaks. Ezmäine oigenduz läksi efirha voden 1938 7. päiväl heinkud «Leningradan eksperimentaližes televizijan keskusespäi». Lähteb efirha päiveses läbi vn 2008 tal'vkun 20. päiväspäi.

Videnden kanalan mödičezkalunikad oma «Nacionaline Media Grupp» (72,4%) i Piterin ohjastuz (27,6%). Kanalan pädirektor — Jurii Šalimov vn 2017 1. päiväspäi uhokud. Kanal om nügüdläiženke nimenke vn 2010 15. päiväspäi keväz'kud.

Oigendused

• Avaitud studii (ven.: Открытая студия) — jogapäiväline analitine program.
• Elon tozi (ven.: Правда жизни) — avtorižed reportažad erazvuiččiš temoiš.
• Homendez Videndel / Homendez vižnikaks (ven.: Утро на Пятом / Утро «на пять») — jogapäiväline homezline program.
• Istorijad tulebas aigaspäi (ven.: Истории из будущего) — tedoližpopulärine program.
• Nügüd' (ven.: Сейчас) — uzištused.
• Ogerusen sija (ven.: Место происшествия) — kriminaližed uzištused.
• Ogerusen sija. Pätegoiden polhe (ven.: Место происшествия. О главном) — lopprogram, lähteb pühäpäividme.
• Piterilaine televizii (ven.: Петербургское телевидение) — jogapäiväline informaciž-analitine program Piterin elon polhe.
• Privatižed kalud (ven.: Личные вещи) — paginad tetabidenke mehidenke.
• Päverk (ven.: Главсеть) — oigenduz melentartuižiš kaluiš internetas.
• Toduzkuro (ven.: Момент истины) — Andrei Karaulovan avtorine program.
• Sanadal'žed purehed (ven.: Алые паруса) — reportaž praznikalpäi, lähtleb kerdan vodes.

TV-keskuz da Piterin TV-čuhunduz.

Irdkosketused

• Videnden kanalan oficialine sait (5-tv.ru). (ven.)