VFKP

Venälaižen Federacijan kommunistine partii (ven.: Коммунистическая партия Российской Федерации) om Venäman politine partii. Pozicioniruib ičtaze kut huran politikan partii, om oppozicijas tobmudele nügüd'.

VFKP:an logotip

Partijan aluz om pandud vn 1990 19. päiväl kezakud kut VNFST:n kompartii i partii nügüdläiženke nimitusenke suimal vn 1993 14. päiväl uhokud. Alusenpanijad oma Valentin Kupcov i Gennadii Züganov, jäl'gmäine om partijan lider vspäi 1993. Partijan päfater sijadase Moskvas. Om alajagusid Venäman kaikiš regioniš. Ühtnijoiden lugu om 162 tuhad ristituid (2016).

VFKP ühtni Valdkundaližen Duman kaikihe valičendoihe, erazvuiččenke satusenke kaiken. Partijan ezitajad oma subjektoiden-ki parlamentoiden paksud ühtnijad.

Partijan ideologii om 21. voz'sadan socializm. Paneb nenid tegendoid lühüdaigaižeks perspektivaks: patriotižiden vägiden tulend tobmudennoks, Venäman rahvahaližiden varoiden i ižandusen strategižiden sarakoiden nacionalizacii penen da keskmäižen edheotaikundan kaičendanke, valdkundaližen politikan socialižen čuradusen lujenduz.

Irdkosketused

• Partijan oficialine sait (kprf.ru) (ven.) da sen rahvahidenkeskeižen departamentan versii (cprf.ru). (angl.) (isp.)

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.