Tetraedr (amuižgrek .: τετρά-εδρον tetra-edron — «nell'tahknik») om kaikiš primitivižemb äitahknik, nell' koumesaumnikad oma sen tahkoikš. Toine nimi — koumesaumaine piramid . Kaik 4 tahkad, 4 ladvad da 6 kül'gad om tetraedral. Ku kaik tahkod oma tazočuraižed koumesaumnikad, ka tetraedr nimitase oiktaks, ühteks vides oiktas äitahknikaspäi .
Oiged tetraedr.
Paralleližil pindoil, kudambad mülüdas tetraedran ristikoičenus kül'giden paroid, märitas ümbrikirjutadud parallelepipedad läz necidä tetraedrad.
Kaik tetraedran medianad ristikoičesoiš ühtel čokkoimel, kudamb jagab niid 3:1 rindatuses, ku lugeda ladvalpäi (Kommandinon teorem )[1] . Sil-žo čokkoimel tetraedran bimedianad ristikoičesoiš da jagasoiš poleks.
Pind, kudamb mülüb tetraedran ristikoičenus kül'giden paroiden keskid, jagab nece tetraedr kahthe kohtaižhe mülüpaloihe.[2] Tetraedran olend olmas substancijoiš
vajehta
Metanan molekul СН4
Ammiakan molekul NH3
Diamant C — tetraedr 2,5220 angstremad kül'genke
Flüorit CaF2 — tetraedr 3,8626 angstremad kül'genke
Sfalerit ZnS — tetraedr 3,823 angstremad kül'genke
Kompleksižed ionad [BF4 ] - , [ZnCl4 ]2- , [Hg(CN)4 ]2- , [Zn(NH3)4 ]2+
Silikatad — niiden aluses om tetraedranvuitte ion olanke da hapanikanke [SiO4 ]4-
↑ Глейзер Г. И. История математики в школе. IX — X классы. — М.: Просвещение, 1983. — Lp. 312. (ven.)
↑ Гусятников П.Б., Резниченко С.В. Векторная алгебра в примерах и задачах. — М.: Высшая школа, 1985. — Lpp. 216-217. (ven.)