Stomatologii

Stomatologii (amuižgrek.: στόμα stoma «su» i amuižgrek.: λογος logos «tedo» sanoišpäi) om medicinan jaguz, tedoidab hambhid, niiden sauvondad i funkcioniruindad, läžundoid i profilaktikan da spravitandan metodoid, mugažo suhavadon i löugluiden läžundoid, kosketab modon i kaglan lähižid sijid.

Stomatolog spravitab läžujad assistentan abul AÜV:oiden Guantanamo-sodameribazan klinikas, Kuba, 2009

Stomatolog om stomatologijan specialist. Dantist-sana (latin.: dens, dentis «hambaz»-sanaspäi) kävutase sen sinonimaks paksus, hot' todesižikš se tärtuz om kaidomb i znamoičeb praktikan lekarid vaiše — hambhiden spravitandan da proteziruindan specialistad, hambazferšalad, hambaztehnikad. Stomatologan-lekarin erineden, hambazlekarin openduz om medicinine keskopenduz.

Toižendad: terapevtine, hirurgine, ortopedine, estetine stomatologijad, ortodontii. Erižed stomatologižed klinikad oma lapsiden i täuz'kaznuziden täht.

Stomatologan rahvahidenkeskeine päiv (angl.: International Day of dentist) om oficialižetoi praznik, oigendase kaikiš valdkundoiš joga vodel uhokun 9. päiväl. Toine professionaline praznik znamoičese sen ližaks Venämas i äjiš toižiš maiš keväz'kun 6. päiväl, se om Hambazlekarin rahvahidenkeskeine päiv. Praznikad ei ole tetpaižed lebupäiväd.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.