Änine: Erod versijoiden keskes

'''Änine''' vai '''Änižjärv''' ([[venäkel'|venäkelel]]: ''Онежское озеро, Онего'', [[karjalan kel'|karjalan kelel]]: ''Oniegu'', [[suomen kel'|suomen kelel]]: ''Ääninen, Äänisjärvi'') om reskveden [[järv]] [[Venäma|Venälaižen Federacijan]] evropižes lodehpoles, [[Karjalan Tazovaldkund]]as tobjimalaz, mugažo [[Leningradan agj|Leningradan]] da [[Vologdan agj|Vologdan]] agjoiš. Se om kahtenz' järv pindan mödhe [[Evrop]]as [[Ladog|Ladogjärvhe]] rindataden. Änine om [[Atlantine valdmeri|Atlantižen valdmeren]] [[Baltijan meri|Baltijan meren]] basseinan järv.

 

Järven pind saridenke om läz 9700 km². Basseinan pind — 66 284 nellikkilometrad. Änižen [[vezi|veden]] mülü om 285 km³, koumandez Ladogan rindataden. Piduz pohjoižespäi suvhesai om 245 km, kaikiš suremb leveduz om 91,6 km. Keskmäine süvüz om 30 m, kaikiš znamasižemb süvüz om 127 m. Pohjan reljef om koverikaz, se abutab [[kala]]le äikerdoičemas. Voib vastata 47 kalan erikod järves. Toižes polespäi, kall'oiden korvused telustadas laivoidenlikundale.

 

 

Kaik om 1650 sart Änižes, tobj pala sijadase järven pohjoižes, niiden ühthine pind om 224 km². [[Kiži]]-sar' mülüb sariden lughu, sil om 89 pušt arhitekturan muštpacast 15.—20. voz'sadoid (časounäd, pühäkodid, küläpertid, mellicad da aitod). Nece keraduz om pandud [[UNESCO|UNESCO:n]] mail'man jäl'gusen nimikirjuteshe. Änižen päivnouzmrandal om 1200 [[petroglif]]ad (4.—2. voz'tuhad edel meiden erad).

 

== Irdkosketused ==

 

[[Kategorii:Änine| ]]

[[Kategorii:Karjalan Tazovaldkundan järved]]

[[Kategorii:Leningradan agjan järved]]

[[Kategorii:Vologdan agjan järved]]