Ročinkel'ne Vikipedii

Ročinkel'ne Vikipedii (ičeze nimituz: Svenskspråkiga Wikipedia) om joudai enciklopedii ročin kelel. Vhesai 2006 se oli Vikipedijan muite ročin jaguz.

Ročinkel'žen Vikipedijan logotip

Nece jaguz om sätud vn 2001 semendkus. Vn 2014 sügüz'kul enamba kaht koumandest kirjutusišpäi oliba avtomatižikš sätud ezitegesikš koumandenke sanundanke da šablonanke. Vll 2015−2016 üks' Lsjbot kirjuti enamba millionad geografijan ezitegesid. Ročinkel'ne jaguz saihe kahtendhe sijhasai kirjutusiden lugun mödhe (maksimum 3,8 mln vn 2016 kül'mkus), no oli tetab äiluguižil problemoil: purtkiden olmatomuz, vanhtunu informacii da sen duplikacii, jättud muite amuine vandalizm, madal süvüz. Zavottihe botan ezitegesiden čuradust, i vn 2021 keväz'kus kirjutusiden lugu oli 3,3 millionad, sen-žo voden tal'vkus — 2,8 millionad. Vl 2020 homaičendoiden lugu ületi 20 millionad.

Nügüdläine kirjutusiden lugu om 2 596 813 (vn 2024 kül’mkud 2. päivän), süvüz — 17.9.

Statistik

• 2002, kül'mku — 1000 südäimištlehtpol't (kirjutust)
• 2003, heinku — 10 000 südäimištlehtpolid
• 2004, tal'vku — 50 000 südäimištlehtpolid
• 2005, 27. eloku — 100 000 südäimištlehtpolid
• 2012, 27. sügüz'ku — 500 000 südäimištlehtpolid
• 2013, 15. kezaku — 1 000 000 südäimištlehtpol't
• 2015, 5. sügüz'ku — 2 000 000 südäimištlehtpolid
• 2016, 27. sulaku — 3 000 000 südäimištlehtpolid

Irdkosketused

• Ročinkel'zen Vikipedijan pälehtpol' (Huvudsida).