Pokhar
Pokhar (nepali: पोखरा [ˈpokʰʌɾa]) Pokhara) om Nepalan koumanz' surtte lidn. Se om Gandaki Pradeš-agjan administrativine keskuz.
| Valdkund | Nepal |
| Eläjiden lugu (2020) | 523,000 ristitud |
| Pind | 455,2 km² |
| |
| Telefonkod | +977-(0)61 |
| Aigvö | UTC+5:45 |
Istorii vajehta
Ezmäižen eländpunktan aluz om pandud alangištho 14. voz'sadan keskes.
Nepalan rahvahad elädas lidnas. Pagenijad Tibetan rajonaspäi tuliba Pokharan alangištho vspäi 1959. Hippi-kul'turan polenpidajad avaitihe lidnad 1960-nzil vozil, hö panihe äiluguižid eländpunktoid alangištos. Vl 1962 lidnan municipalitet om sätud. Valdkundaline politik sirdi hippid valdkundaspäi, no religiozine i mägiturizm šingotaškanzi.
Pokharan ižandusen päsarakod oma turizm i holitišiden sfer. Koume gidroelektrostancijad ratas lidnanno.
Geografijan andmused vajehta
Lidn sijadase valdkundan keskuzpalas, alangišton lodehližes čogas, 822 m ü.m.t. keskmäižel korktusel, reskveden Phev-järven randal (nepali: फेवा ताल Pheva Tal 4,4 km², kahtenz' surtte Nepalas). Gimalajiden koume kahesatuhašt mägenpäd oma 30..60 kilometras lidnaspäi, sen tagut vihmub lujas paksus. Matkad Katmandu-pälidnhasai om 198 km päivnouzmha.
Klimat om subtropine mussonine. Voden keskmäine lämuz om +21,1 C°. Ekstremumad oma +0,5 C° i +38,5 C°. Paneb sadegid 3901 mm vodes, vihmsezon oleskeleb semendkus-sügüz'kus (359..940 mm kus).
Eläjad vajehta
Vn 2011 Nepalan rahvahanlugemižen mödhe lidnan municipalitetan eläjiden lugu oli 414 141 ristitud, agjan kudendez.
Civiline Pokhar-lendimport (PKR / VNPK, 700 tuh. passažiroid vl 2019) radab lidnan keskuzpalas. Tehtas reisid Nepaladme penil lendimil. Uz' rahvahidenkeskeine lendimport om saudud i vl 2022 radaškandeb koumes kilometras päivnouzmha olijaspäi, lindäs otta surembid lendimid i leta Indijan lendimportoihe. Pokharan lendimport om Katmandu-pälidnan reisiden varalendimport.
Irdkosketused vajehta
| Pokhar Vikiaitas |