Pirg

Pirg om sömine tahthaspäi miččenke-ni päluiženke (avol'jaine) vai südäimenke (umbel'jäine, saubaline), kudambad pašttas vai räkištadas.

Jablokpirg

Formitadud vepsän pirgad varastadas päčid

Pühäpäivän i praznikan söm vepsän elos. Slokosttäs veroližid pirgoid reskas nižu- vai rugižtahthaspäi.

Erased instrumentad pirgoiden tehmižen täht: pirgvärtin, pirgpuik.

Toižendad

• Bolpirg — pirg bolan marjoidenke.
• Bounušnik — pirg lapačuikahidenke senidenke.
• Haudpirg — pirg haudnikoidenke (hauttud nagrhenke).
• Hernehpirg, hernehnik, hernehsuusin — pirg hernhenke.
• Jauhpirg — pirg päluižeta i südäimeta.
• Kalakurnik — pirg-kurnik pašttud kalanke südäimes.
• Kapustnik, kapustpirg — pirg kapustanke.
• Kokat' — pen' nügelzoittud molembiš polišpäi pirg südäimenke.
• Kubel'nik — umbel'jäine pirg (südäimenke).
• Kurnik — pirg kalanke vai lihanke.
• Labohtez — pirg nagrhenke vai kartohkanke.
• Levaš — avol'jaižen pirgan (päluiženke) toižend.
• Lihakurnik — pirg lihanke.
• Mustiknik, mustikpirg — pirg mustikaižen marjoidenke.
• Nabolnik — pirg bolan marjoidenke päluižeks.
• Nagrižpirg — pirg nagrhenke.
• Pirgut — pen' pirg.
• Suusin — avol'jaižen pirgan toižend.
• Šoiduikaz pirg — pirg lapakoiktoidenke šoiduidenke.
• Šonnik — pirg šonanke.
• Taukunpirg — pirg tauknanke.
• Tulčenik — umbel'jäine pirg bobsüdäimenke (bobad vai herneh).

Pirgha sidotud vepsän muštatiž

Nagrižpirgas eile sömäd, nekrutas eile oluhad.

Kacu mugažo

• Pirgaine

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.