Pevčeskii-sild

Pevčeskii-sild (ven.: Певческий мост) om üks'keskustaine kaugedraudasine avtotesild Piterin Keskuzrajonas. Se om saudud Moikas päliči, kudenz' sild vižtoštkümnespäi mödvedhe.

Pevčeskii-sild

Sild jätktab Pert'kulun torgud. Ühtenzoitab Kazanskii-sar't Kahtenz' Admiralteiskii-sarenke. Sur' Konüšennii sild om saudud ülezjogen, Vihand sild sijadase mödvedhe.

Istorii

Ezmäine sild oli saudud vl 1834 puspäi. Nimitihe kapellan mödhe, kudamban pertid seištas sildanno, kapell om niiš pertiš vspäi 1810. Ende toine Pakuine sild-nimituz oli mugažo.

Vl 1840 sild om vajehtadud nügüdläižeks kaugedraudaspäi kivižil alusil da puižil vajil Jegor Adam-inženeran projektan mödhe. Se kogoneb kingitadud boltoil pandud bembleks 329 kaugedraudantübingaspäi, om 30 m pitte (keskust 24 m) i 72 m levette (Piterin nellänz' sild levedusen mödhe), kävutase avtoil da jaugnikoil. Käzipud oma sätud kaugedraudaspäi sijaližel Aleksandrovskii-tegimel (nüg. Proletarskii) čomamahtoižen valamižen mahtusel.

Kaičendsarüt om sätud sildan keskuzpalas. Ezmäine sur' kohenduz oli vozil 2003 (kül'mku) — 2004 (eloku), varmitihe raudbetonal sildan keskustad. Kaičendsarüden pind (läz 400 nellikmetrad) om pandud kvarcit-čurukivespäi, se om sadud Änižen randpolel. Objekt mülüb Venäman kul'turižen jäl'gusen nimikirjuteshe federaliženke znamoičendanke.

Ümbrišt

Edel Oktäbrin revolücijad Venäman imperijan Röunantagaižiden azjoiden ministrusen päkontor (vspäi 1828) oli sildanno i sen nimituz oli ministrusen toižeks nimeks verhiš maiš.

Aleksandr Puškinan muzei-fater sijadase Moikan randirdal läz sildad.

Irdkosketused

• Pevčeskii-sild Piterin Mostotrestan saital (mostotrest-spb.ru). (ven.) (angl.) (kit.)