Paimnen torvut
«Paimnen torvut» (ven.: Магия пастушьего рожка, angl.: The Magic Horn) om voden 2015 Venäman dokumentaline fil'm veroližen vepsän paimnen kalun polhe. Siš om venäkel'žid i anglijankel'žid titroid.
| Režissör | Larisa Smolina, Vladimir Slavov |
| Scenarii | Larisa Smolina, Vladimir Slavov |
| Aktörad | Dmitrii D'omin, Jevgenii Fotejev, pohjoižvepsän küliden eläjad, Karjalan i Suomenman muzejiden radnikad |
| Muzikankirjutai | Dmitrii D'omin |
| Idejan tegii | Dmitrii D'omin |
| Operator | Konstantin Nikolaenko, Eduard Petrov |
| Montaž | Nikolai Konstantinov |
| Žanr | dokumentaline |
| Kompanii | Vepsän kul'tursebr, Kastrenansebr (Suomenma), Heimrahvahiden program (Estinma) |
| Studii | S-film |
| Voz' | 2015 |
| Piduz | 39 minutad |
| Valdkund |  Venäma
|
| Kel' | venäkel', vepsän kel', suomen kel' |
| Büdžet | tundmatoi |
| Salhed | direct-to-video |
Fil'man päheng om Karjalan Tazovaldkundan rahvahaližiden soitoiden Dmitrii D'omin-mastar, hän-žo vändab niil i radab Petroskoin valdkundaližen konservatorijan opendajan. Süžetan mödhe Dömin keradab vepsän lutuižen sädandan istorijad, lodaidab vepsän küliden eläjidenke paimendusen veroiš, paimnen torvuden magižiš ičendoiš i enččen tehmižen mastariden peitusiš, udessündutab soiton tehmižen tehnologijan.[1]
Fil'man pätegijad — Vladimir Slavov, Larisa Smolina i Dmitrii D'omin.
Sädusen tiraž om 300 DVD:n ekzemplärad.[2]
Homaičendad
vajehta- ↑ В Петрозаводске говорили об обучении вепсскому языку (Petroskoiš pagištihe vepsän kelen opendamižes) / Uzištused, 15. tal'vku 2015, finnougoria.ru. (ven.)
- ↑ Состоялась презентация вепсского фильма «Магия пастушьего рожка» (Tehtihe vepsän «Paimnen torvut»-fil'man prezentacijad) / Uzištused, 25. viluku 2016, gov.karelia.ru. (ven.)
Irdkosketused
vajehta- Fil'man sädandan istorii youtube.com-saital. (veps.) (+ venäkel'žed subtitrad)
- Kacta fil'm onlain youtube.com-saital.
Edesine lugemine
vajehta- Smolina Larisa. Paimnen torvut // Verez tullei-al'manah. Petroskoi: «Periodika»-pästandkodi, 2016. — Lpp. 89−94. (veps.) ISBN 978-5-88170-273-1