Mustjogen sild
Mustjogen sild (ven.: Чернореченский мост) om ramine raudbetonine üks'keskustaine avtotesild Piterin Merenrandaižes rajonas Mustjoges päliči.
Sild ühtenzoitab Toržkovskai-irdad hural randal Savuškinan i Krilov-akademikan irdoidenke oiktal randal. Lanskoi-avtotesild om saudud ülezjogen, Stroganovan sild jaugnikoiden täht sijadase mödvedhe.
Ezmäine sild nügüd'aigaižen sijas oli saudud puspäi 19. voz'sadan augotišes Komendantskii-nimenke lähižen pöudon nimen mödhe. Vspäi 1836 nimitihe sildad Nikol'skii-sildaks külän mödhe hural randal. Vspäi 1849 om nügüdläiženke nimitusenke. Raudbetonine sild om saudud vozil 1967−1969 metalližen sildan sijas, A. D. Gutcait-inžener i L. A. Noskov-arhitektor oma projektan tegijad. Raudbetonižed plitad oma pandud raudbetonižihe balkoihe.
Sild om 30 m pitte da 38 m levette, se om avtoiden, tramvaiden da jaugnikoiden täht. Kaks' tramvaited, kuz' avtoted i kaks' trotuarad. Käzipud oma tehtud kaugedraudaspäi. Raudbetonparapet erigoitab trotuaroid avtoteišpäi.
Irdkosketused
vajehta- Mustjogen sild Piterin Mostotrestan saital (mostotrest-spb.ru). (ven.) (angl.) (kit.)
| Mustjogen sild Vikiaitas |
|
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |