Modaižed sobad oma sättujad modan tendencijoihe sobad.
Modaižihe sobihe sidodud pätärtused
vajehta
- Korged mod — mugoine näguz: vejad Modan Kodid märitas sobiden da aksessuaroiden stilid (materialad, fason) tulijha sezonha. Modan Kodiden produkcii pästtas penil paloil kundan privilegižiden šoiduiden täht. Modan nedaliden aigan mugoine produkcii ezitase.
- Mod — näguz, konz märitud sobafasonad (niiden materialad-ki) levigatas toižhepäi da ottas enambut lühüdaks aigaks. Mod om olmas, miše säta nügüd'aigaišt ristitun nägud. Massinformacijan sarak möhästusenke kopiruib korktan modan. Muga modan polhe tedištadas äi ristituid — sobiden tegijad ičeze keradusiden säten, kulutajad.
- Keraduz om sobiden modeliden kogonaine serii. Sihe mülüdas severt fasonid erazvuiččen dekorativižen ümbriradmiženke ühthižes koncepcijas.
- Soban model' om sobiden masstehmižen tärtuz. Model'jer sädab sidä.
- Sezon — necil sanal sobiden tegijad märitas keradusiden vajehtamišt. Om kaks' sezonad paksumba kaiked — sügüz'liž-tal'veline da keväz'liž-kezaline.
- Siluet om sobiden fizine form hibjaha ištundmäran mödhe. Siluetad oleskeldas: ištui, pol'ištui, trapecijanvuitte da oigedsaumaine.
- Stil' — nece om sobiden, čomitesiden da aksessuaroiden ühtnend märitud mel'kuvad sädamha. Nece mel'kuva sättub situacijha (oz., praznik), ümbriolendha (oz., radoline ümbriolend), kundaližhe statusha.
