Mangostan

Mangostanan plodud

Valdkund:	Kazmused
Palakund:	Änikkazmused (Magnoliophyta)
Klass:	Kaksidülehtesižed (Dicotyledones)
Kund:	Mal'pigiiänikoižed (Malpighiales)
Sugukund:	Kluzijanvuiččed (Clusiaceae)
Heim:	Garcinii (Garcinia)
Erik:	Mangostan

Latinankel'ne nimi

Garcinia mangostana L., 1753

Sistematik
Vikierikoiš

Kuvad
Vikiaitas

ITIS 21484

NCBI 58228

Mangostan (latin.: Garcinia mangostana) om tropine igähižvihand pu Kluzijanvuiččed-sugukundaspäi.

Leviganduz

Kazmuz libub Azijan longibokaspäi.

Kazvatadas maižanduzkul'turaks Suvipäivnouzmaižes i Suves Azijas, Keskuzamerikas, Afrikan ekvatorialižiš maiš.

Ümbrikirjutand

Pu om muzaburanke korenke, piramidanvuitte nägu, kazvab 25 metrhasai. Nored lehtesed oma ruskedvauvhad, täuz'kaznuden lehtišton üläh om muzavihand, pakuižvihand alahaspäi. Lehtez om ellipsanvuitte, 9..25 sm pitte i 4,5..10 sm levette.

Mangostan tob ploduid 9..20-voččes igäspäi. Plod om 3,4..7,5 sm surtte. Sen ruskedsinine kor' om santimetrhasai sankte i pagan. Plodun südäin om vauged södab, muiged da maged magul, kogoneb nelläs..kahesas doläspäi. Äikerdoičese plodun semnil päpaloin, vegetativine äikerdoičend om jüged.

Kävutand

Kazvatadas ploduihe näht, niiden segmentad oma södabad veresikš, päiči semnid. Südäin sättub konserviruindale, verez südäivezi om populärine mugažo.

Lehtesiden i koren unotez kävutase uitod vaste i polenemha hibjan lämut rahvahanmedicinas. Om äi ksantonoid kores i ploduiš, ka kävutadas kuivatud niid kosmetikan tehmižes.

Homaičendad

Mangostan Vikiaitas