Kuzen čomitesed

Kuzen čomitesed (paksus mugažo kuzen bobaižed) — šurud, leiktud lumuded da pened kuzed, živatoiden, mehiden (Biblijan personažiden) vai miččiden-ni kaluiden figuruded, kudambil čomitadas Uden voden i Raštvoiden kuzid. Bobaižiden ližaks, voib čomitada kuzed magedusil, fruktoil i pähkmil. Ratud vihm i girländad lämoidenke kävutasoiš paksus.

Kuzen šur kut Raštvoiden jablokan simvol

Čomitadud kuzed oma tetabad 17. voz'sadan ühtendes polespäi, ned oliba Raštvoiden kodiatributaks Saksanmas i Baltijan maiš. Ezmäižed čomitesed oliba koveritomad, pühätihe niid Raštvoiden temale. Ende kävutihe virigzoittud tohuzid tozinägun täht, no se azj kucui lämoipaloid, i 1870-nziden voziden lopus amerikaine Ral'f Morris-telegrafist Uz' Anglii-regionaspäi tariči otta kävutamižhe elektropul'toišpäi varuitomembid elektrižid girländoid tohuziden sijas.

Uden voden kuz' sündui NSTÜ:s vl 1935 kut religijanvastaižen borcuindan satuz, i Viflejeman tähtaz kuden päl kändihe rusttaks tähthaks aniku Moskvan Kremlin čuhundusil.

Honusen südäimine i lähine nägu, pertin irdpol' čomitasoiš Uden voden i Raštvoiden praznuičendale kuzen kartte. Kävutadas eläban kuzen varzid (täuden kuzen sijas paksus), Pakaine-Dedan i Lumineiččen figuruzid.

Läz kaik čomitesed tehtas nügüd' plastikaspäi kaičemhas voimusižiden pilazmoiden satatesišpäi. Kaikiš suremb bobaižiden tegii om Kitai.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.