Kornelius Kurt (akt'or)
Kurt Kornelius (angl.: Curt Cornelius; sünd. 22. kezaku 1973, Hantington Bič (Kalifornii), AÜV) om amerikaine akt'or.
| Kornelius Kurt | |
| radmižen toižend: | |
|---|---|
| sündundan dat: |
22. kezaku 1973 (51 vot) |
| sündundan sijaduz: |
Huntington Beach[d], Orange'i maakond[d], Kalifornii[d], Amerikan Ühtenzoittud Valdkundad |
| valdkund: | |
Biografii
vajehtaMez' om sündnu Kalifornii-štatan Hantington Bič-lidnha, Robert i Sandra Korneliusoiden kanzha. Fil'mzihe ühesavoččes igäspäi erazvuiččiš serialoiš epizodižil rolil. Openzihe sijaližes teatrkolledžas. 1990-nziš vozišpäi ezini South Coast Repertory-teatran päscenal. Edelespäi jätksi fil'matas kut jo professionaline akt'or Gollivudan fil'miš da TV-serialoiš draman, komedijan i melodraman žanroiš, mugažo radoi kut änetoitandan akt'or.
Kurtan kaikiš tetabambad rolid oliba televizijan serialoiš: «Matk taivhidennoks» (1984−1989, angl.: Highway to Heaven, Genri), «Beverli Hillz 90210» (1990−2000, Kit), «Sodajuridine radnikoičend» (1995−2005, JAG, Lens Korporal), «V.I.P.» (1998−2002, Dodž), «Meripolicii: specpalakund» (2003—, Metro P.D. Kodi Ouks-leitnant), «Ken Samanta om?» (2007−2009, angl.: Samantha Who?, Trei Uells).
Akt'or om naižiš, Sara Kornelius om hänen ak (neiččel Džonson).
Valitud fil'mografii (serialoid lugemata)
vajehta- «Haosan faktor» (2000) — Jang Vanhorn
- «Velgused» (2001) — Rič
- «Nägusen vändod» (2004) — Rendi
- «Pul'kad da lipkaižed» (2008) — Džoi
- «Tarbhaižused» (2011) — Klemens
- «Pidab abud» (2012) — Maikl van Orden
- «Ičekäzil» (2012, lühüdpiduzline) — Kun Šin
- «Kunigazližed kirjutesed» (2013) — Bridžer Nilson
- «Kändand täuz'kaznudeks» (2014, lühüdpiduzline) — tat
- «Tarbiž tehništ holitust» (2015, lühüdpiduzline) — Piter
- «Piikoi pimeduz» (2016, lühüdpiduzline) — Kempbell-detektiv
- «XX» (2017) — Doktor Roman
- «Pol'tel» (2018) — Bredi Uorf
- «Ole hüvä, ala lö mindai» (2020, lühüdpiduzline) — Kurt
Homaičendad
vajehta
Irdkosketused
vajehta- Kornelius Kurt (akt'or) „Internet Movie Database“-saital (angl.)
- Kornelius Kurt (akt'or) „KinoPoisk“-saital (ven.)