Kapur Karizma

Karizma Randhir Kapur (hindi: करिश्मा रणधीर कपूर, angl.: Karisma Randhir Kapoor; sünd. 25. kezaku 1974, Bombei, Maharaštr, Indii) om indijalaine enzne aktris, edesti enamba mi 60 fil'miden da TV-serialoiden rolid. Edeline nimen virkand om Karišma Kapur, vajehti sidä astrologan nevondan mödhe.

Kapur Karizma
angl.: Karisma Kapoor
Karizma Kapur vl 2013
radmižen toižend:	актриса, киноактриса, телеактриса, сценаристка
sündundan dat:	25. kezaku 1974(1974-06-25) (50 vot)
sündundan sijaduz:	Mumbai, Indii
valdkund:	Indii
tat:	Randhir Kapoor[d]
mam:	Babita[d]
Kapur Karizma VikiAitas

Aktris om Indijan kinoarvlahjoiden laureatan: Filmware Awards (1997, 1998, 2001, 2002) i Rahvahaline kinopremii (1998, tagaman parahim naižrol').

Biografii

Karizma om sündnu Mumbai-lidnha, Randhir-akt'oran da Babita-aktrisan sämižkanzha. Karina-sizar om Karizmal, hän om aktris mugažo. Karizma edesti ezmäižen rolin kinoho vl 1991, konz «Langenii armastushe»-fil'm läksi ekranoile. Aktrisan aktivine kar'jer jätkustui vll 1991−2003 i 2008−2012.

Vspäi 2003 Karizma oli lähtnu mehele, Sandžai Kapur-biznesmenale. Vl 2014 hö saiba joudobut naimiželospäi i toine toižespäi. Karizmal jäihe üks' tütar da üks' poig: Samaira (om sündnu vl 2005) da Kiaan Radž (om sündnu vl 2010).

Valitud fil'mografii

• «Langenii armastushe» (1991) — Nilima
• «Pätand» (1992) — Pajal Singh
• «Te udhe elohosai» (1993) — Šalu
• «Kaikuččel ičeze stil' om olmas» / «Tahtoin naida i otta millioneran tütärt» (1994) — Karišma / Ravina
• «Radža Indijalaine» (1996) — Aarti
• «Meletoi südäikera» (1997) — Niša
• «Ak nomer üks' » (1999) — Puja
• «Mel'heiženke mehenke vencan alle» (2000) — Sapna
• «Vellen ecmäs» (2000) — Fiza
• «Šakti: pörta poigad» (2002) — Nandini
• «Baaz: Lind om varuses / Kondinahkač» (2003) — Neha Čopra
• «Ridluz vaihil» (2006) — Nataša
• «Varuline armastuz» (2012) — Sandžana / Gita / Salma / Paro

Irdkosketused

• Karizma Kapur — Instagram.
• Kapur Karizma „Internet Movie Database“-saital (angl.)
• Kapur Karizma „KinoPoisk“-saital (ven.)