Jäine pert'kulu (Piter)

Jäine pert'kulu (ven.: Ледовый дворец) om sportiž-koncertine kompleks Piterin Nevan rajonas. Sauvushe voib mülütada 12 500 kaclijad.

Jäine pert'kulu, vn 2014 nägu

Sauvusen südäin vajehta

Pöudon suruz — 60 × 30 m. Se kožub mugažo muzikkoncertoiden, sportvoibuižiden, ozutelendoiden da toižiden aigtegoiden täht, zalan transformacijan voimuz om sätud.

Kaik 74 komfortišt VIP-honust (ložad) sijadasoiš pidust' arenan ümbrust amfiteatran i gardalein keskes.

Istorii vajehta

Sauvusen päradonoigendai oli Skanska East Еurоре Оу. «LenNIIprojekt» sädi projektan. Moskvan kul'turan, lebun, sportan da tervhudenkaičendan objektoiden projektirui i tedoinstitut (MNIIP) radatoiti tenhiž-ekonomišt alust i arhitekturišt koncepcijad. SAÜ Igl Grupp SanktPeterburg i Eagle Group International tegiba radoiden dokumentacijad.

Stadionan lendand oti kaks' vot (1998−2000), ezmäine matč oli vätud voden 2000 sulakus. Sauvondmänetused oliba ümbri 60 mln AÜV:oiden dollarid ekvivalentas[1]. Jäine pert'kulu om saudud mail'man hokkein čempionatan aigale, oigetihe sidä Piteriš vl 2000.

Stadion sijadase läz Prospekt Bol'ševikov-metrostancijad, Pätiletkoiden prospektan i Rossiiskii-prospektan ühtenzoitusen sijanno. Ende sodunu pustolän' oli stadionan tahos. Om SKA-hokkeijoukun kodiarenaks vspäi 2005.

Homaičendad vajehta

  1. Ледовый дворец станет московским (Jäine pert'kulu linneb moskvižeks). — Kommersant-aiglehtez, 2001, archive.is-saital. (ven.)

Irdkosketused vajehta