Fonarnii-sild

Fonarnii-sild (ven.: Фонарный мост «sild pidatimidenke») om Venäman Piterin üks'keskustaine raudbetonine avtotesild Moik-joges päliči.

Fonarnii-sild vn 2013 semendkus

Sauvuz sijadase Admiralteiskii-rajonas. Ühtenzoitab Kazanin i 2nz' Admiralteiskii-sarid, Fonarnii- i Počtamtan kujoid. Ülezjogen om Sinine sild, mödvedhe — Počtamtan sild.

Istorii

Sild om avaitud 18. voz'sadan keskes. Se om 33 m pitte i 20 m levette. Nimi om tetab vspäi 1906, se om anttud kujon mödhe, 1920-nzihe vozihesai täuz' nimi oli Jaugnikoiden Fonarnii-sild (ven.: Пешеходный Фонарный мост). Vhesai 1971 oli puspäi i vaiše jaugnikoiden täht. Raudbetonine sild jäl'ghe 1973. vot, nell' avtoted, jaugnikoiden tehuded oma teverikš.

Nügüd'aigaine üks'keskustaine sild om saudud vll 1971−1973 L.N. Sobolev-inženeran i Lev Noskov-arhitektoran projektan mödhe. «Lenmostostroi»-trestan SU-2-organizacii vaumiči sauvondad O. A. Rozov-päinženeran i S. N. Suščev-proraban ohjastusen al. Pidatimed alištuiba restavracijale vl 2001. Sildan gidroizoläcii i asfal'tbetonine krepind oma vajehtadud vl 2011.

Konstrukcii

Fonarnii-sildan konstrukcii om ramanvuitte koumepalaine. Raudbetonižed alused vajil kaidetas jogen vagon levedust vähän i oma kreptud ozrikkivel.

Trotuarad oma erigoittud avtoteišpäi ozrikkivižel bordüral. Sildan röunan seglused oma tehtud kaugedraudaspäi čomamahtoližen valamižen mahtusel, ühtejiččed Moikan randirdan seglusidenke. Kaičendröun lopiše ozrikkivižel parapetal sildan alusen päl. Metalližed toršerad pidatimidenke oma seižutadud sildan tulendoidenno klassicizman stiliš.

Irdkosketused

• Fonarnii-sild Piterin Mostotrestan saital (mostotrest-spb.ru). (ven.) (angl.) (kit.)