Empair Steit Bilding

Empair Steit Bilding (angl.: Empire State Building) om 103-žiruine üläkorged pert' Nju Jork-lidnan keskuzpalan pohjoižes, Manhetten-sarel (AÜV). Valdkundan i mail'man kaikiš korktemb pert' vll 1931−1970, Nju Jorkan kaikiš korktemb pert' vll 2001−2012. Nügüd'aigan se om koumanz' kortte AÜV:oiš. Adres om Videnz' avenü, 350.

Pertin nägu Rokfeller-sauvusen pälpäi

Istorii

Sauvuz om projektiruidud «Shreve, Lamb and Harmon»-kompanijal. Pert' om saudud ar-deko-stiliš, letihe vll 1929−1931. Nimitihe Nju Jork-štatan närituznimen mödhe (angl.: Empire State «imperine štat»). Sauvond maksoi US$41 mln (US$629 mln vn 2014 arvoil). Pert' om sätud neniš päsauvondmateriališpäi: teraz, alüminii, beton, ozrikkivi, mouckivi.

Vaumičendan jäl'ghe andoihe kortomha kaikid honusid kümnes vodes Suren depressijan tagut. Pert' kändihe sal'hekahaks sen ezmäižen täuden möndan jäl'ghe vl 1951.

Ümbrikirjutand

Üläkorged pert' mülüb AÜV:oiden muštnikoiden nimikirjuteshe vn 1986 kezakuspäi. Honused kävutasoiš ofisoikš, niiden ühthine pind om 208 879 m².

Pertin katusen korktuz om 381 m, ühthine korktuz — 443 m (vspäi 1951). «Empair Steit Bilding» oli mail'man kaikiš korktembaks sauvuseks vll 1931−1954, pertikš — vhesai 1970. Sauvuz om 129 m levette. Kaik 73 liftad ratas pertiš.

Galerei

• 
  Nägu lidnha pertin avaidusen aigan (1931)
• 
  Oficialine lauk üläkorktas pertiš
• 
  Päiväl da ližapidatusenke
• 
  Ümbrikacundan lavuded
• 
  Liftoiden lavuden pala

Irdkosketused

• Üläkorktan pertin turistine sait (esbnyc.com). (angl.) (kit.) (fr.) (saks.) (ital.) (jap.) (kor.) (port.) (isp.)