Eländpunkt

Eländpunkt om mitte-se sija vai taho, kus ristitud elädas, kaikenaigašti vai pordaigaližešti (kahtendes statjas voz'aigoidme, no joga vodel). Järgtaho tobjimalaz, kogoneb pertišton eländkodišpäi mapalal.

Vingl, vepsän eländpunkt istorižešti

Tärtuz kävutase geografijas, statistikas i arheologijas.

Toižendad

Erazvuiččed eländpunktoiden toižendad oma ičeze suruden i eläjiden lugun mödhe:

• Kordon
• Futor
• Sijaine
• Külä
• Žilo
• Žilo stancijanno
• Külänvuitte žilo
• Lidnanvuitte žilo
• Lidn-kaimdai
• Lidn

da toižed.

Kaikes mail'mas jagadas eländpunktoid kahteks kategorijaks: külähižed i lidnalaižed. Küläeländpunktan päerinend lidnalaižespäi om ristitišton enambusen otand maižandushe, sen tagut erased küläd oleldas suremb mi lidnad eläjiden lugun mödhe.

Territorijan üks' eländpunktoišpäi om sen administrativižeks keskuseks, valdkundan — pälidnaks.

Südäin

Eländpunkt mülütab eländpertištod, tegimišton, torguindan i socialižen holitesen sauvusid, niiden tehnologišt infrastrukturad (ted, takaižed, randirdad, elektro- i veziverkod, fansistem), lebusferad (sportlavuded, muštnikad, puištod i uitod).

ÜRO:n ühtnend

ÜRO:n Päassamblei vahvišti Mail'man Habitat-päivän, oigendase vspäi 1986. Sil päiväl aigtegod oleskeldas, vedatadas tarkust eländpunktoiden problemoihe i ristituiden elämižen arvoimižihe.

Tematine konferencii tegese mail'man ühtes suriš lidnoišpäi. Anttas kaht premijad parahimas paremboičijas projektas: Pohjoižen i Suvižen mapoliškoiden täht.

Kacu mugažo

• Eländpunktad Venämas

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.