Ahvenhein

Ahvenhein
Ahvenheinän erik (Potamogeton alpinus) Uftüg-joges, Vologdan agj, Venälaine Federacii
Tedoklassifikacii
Valdkund: Kazmused Palakund: Änikkazmused (Magnoliophyta) Klass: Üksidülehtesižed (Monocotyledoneae) Kund: Alismatales Sugukund: Ahvenheinižed (Potamogetonaceae) Heim: Ahvenhein
Latinankel'ne nimi
Potamogéton L., 1753
Sistematik Vikierikoiš Kuvad Vikiaitas ITIS 39005 NCBI 13228

Ahvenhein (latin.: Potamogeton) om äivoččiden vezikazmusiden heim. Mülüb Ahvenheinižed-sugukundha. Heimon tipine erik om ujui ahvenhein (Potamogeton natans). Kaik om 80..100 erikod heimos i läz 50 niiden londuselišt gibridad.

Leviganduz

Kazmusen erikod oma levitadud kaikes mail'mas. Kazdas reskveden sauptud vai joksijoiš vitkos vezištoiš, sädas žomid paksus.

Ümbrikirjutand

Heimon erikod oleldas 10 santimetraspäi 6 metrhasai pitte. Lehtesed čereduišoiš, nitinvuiččed vai ellipsanvuiččed, kaik vedenalaižed vai erased lehtesed ujudas veden pindal. Kazmuz änikoičeb heinkus-elokus. Ahvenheinän änikuz om tähk hahkvihandan vai burvihandan mujun, voib olda veden päl vai vedes.

Äikerdoičese semnil vai vegetativižikš, lindud i vezi levitadas semnid.

Kävutand

Vezimollüskad, kalad da gavedid södas ahvenheinäd. Kala kudob kazmusen vezipalas i lehtesiden alapalas. Erased erikod oma sömäks vedenujujiden linduiden täht, ondatr i majag södas heinäd mugažo. Ottas südäimehe ploduzid gastrolitoikš.

Ristitud kävutadas ahvenheinid muglheretuseks, mouckiven ekvivalent. Kazmusen žomad telustadas tehnikan ujundale, vezištod heindudas heredamb.