Säs'ked

Pakuižen säruläžundan säs'k (Aedes aegypti)

Valdkund:	Živatad
Tip:	Palačjaugaižed (Arthropoda)
Klass:	Gavedid (Insecta)
Heimkund:	Kaks'suugaižed (Diptera)
Sugukund:	Säs'ked

Latinankel'ne nimi

Culicidae Meigen, 1818

Sistematik
Vikierikoiš

Kuvad
Vikiaitas

ITIS 125930

NCBI 7157

Säs'ked (latin.: Culicidae) oma gavediden sugukund Kaks'suugaižed-heimkundaspäi. Leviganzi kaiked mail'madme Antarktikas päiči ristitun jäl'ghe. Kaik enamba koumed polenke tuhad erikoid elädas mail'mas, mülütadas heid läz 100 heimho, 100 erikod om Venämas.

Säs'ked sünduiba toižiš gavedišpäi 226 mln vozid tagaz. Pojavad nügüdläižihe säs'ked oliba 79 mln vozid tagaz, nügüdläižed säs'ked oma olmas 46 mln vozid.

Ümbrikirjutand

Hoik hibj om 4..14 mm pitte, suugiden maihutuzkeskust sase 5..30 millimetrhasai. Erikoiden hibjan muju oleleb pakuine, koričma vai hahk, no voib olda must i vihand. Pökut om pit'kahk kümnepalaine. Rindaz om levedamb mi pökut. Antennad oma pit'kad vižtoštkümnepalaižed. Löugapparat om puskižimii toižendal.

Elonmahtuz

Vaiše emäčud purdas. Södas änikoiden nektarad i kazmusiden südäivet, imetaiživatoiden čakansönd om sas'kiden ektoparazitizman form.

Elädas severz'-se kuid, voidas jäda elegiš tal'ven jäl'ghe. Emäč eläb ižačun hätkemb i paneb 30..150 munad kaikuččes kahtes-koumes päiväs. Muna kändase täuz'igäižeks säs'kaks ühtes nedališ. Leviganduz tegese ristitun transportal (laivad, jüguavtod, jonused, lendimed), ka om jüged kontroliruida karantinan märid.

Travind

Travidas säskid biomahtusil: bakterijoiden levigandmine i genetine modifikacii.

Säs'kihe sidotud vepsän muštatišed

Kalad püdad, säskid keitad.

Säs'k merehe ištuse, se-gi liža.

Homaičendad

Säs'ked Vikiaitas