Rozmehein

Rozmehein
Järgeline rozmehein (Filipendula vulgaris) semendkus, se om heimon tipine erik
Tedoklassifikacii
Valdkund: Kazmused Palakund: Änikkazmused (Magnoliophyta) Klass: Kaksidülehtesižed (Dicotyledones) Kund: Rozänikoižed (Rosales) Sugukund: Rozanvuiččed (Rosaceae) Heim: Rozmehein
Latinankel'ne nimi
Filipéndula (Tourn.) Mill., 1754
Sistematik Vikierikoiš Kuvad Vikiaitas ITIS 25168 NCBI 23170

Rozmehein (latin.: Filipendula) om äivoččiden heinäsižiden kazmusiden heim. Mülütadas Rozanvuiččed-sugukundha. Heim kogoneb 12 erikospäi.

Etimologii

Heimon latinine nimituz om saudud filum- «nit'» i pendere- «ripta» sanoišpäi, järgeližen rozmeheinän mugulad riptas hoikil juril. Vepsän nimituz om rozmevedhe sidodud.

Ümbrikirjutand

Kazdas Evropas, Azijan i Pohjoižamerikan venos vös. Navettäs nepsut, kaik erikod oma vilunvastaižed.

Heinäd oma järedad püštoiktanke seikhenke. Lehtesed oma höunhesižed, erasti sor'meližed.

Henod äiluguižed vauktad vai ruskedvauvhad änikod kazdas kändaz- vai löuste-änikusikš. Änikoitas kezan ezmäižel polel. Plod om äipähkmut.

Kävutand

Kävutadas norid jurištod vezoidenke sömäks. Ottas änikusid čajun vajehtimeks vai ližaduseks, Skandinavijas — ližatas oludhe i vinha andmaha mezihajud.

Mülütab äi askorbinmuiktust (läz 300 mg%) i salicilmuiktust, ka ottas kävutamižhe unotest zelläks irdpolel i südäimehe. Rozmehein om hüvä palatusenvastaine, antibakterialine, antitoksine abutuz, insekticid (gavedid vaste).

Heimon erikod

• Filipendula angustiloba
• Filipendula glaberrima
• Filipendula kamtschatica — Kamčatine rozmehein
• Filipendula kiraishiensis
• Filipendula multijuga
• Filipendula occidentalis — Päivlaskmaine rozmehein
• Filipendula palmata
• Filipendula purpurea — Purpurine rozmehein
• Filipendula rubra
• Filipendula ulmaria
• Filipendula vestita
• Filipendula vulgaris — Järgeline rozmehein, heimon tipine erik