Pul'kanloi

Pul'kanloi om lamoiambundazegen toižend. Se ambub avtomatižikš jonoil vai rattemata (valegel), kävutab pul'kid lentaspäi. Metimen edhuz sase ühthe..kahthesai kilometrad.

Pul'kanloinik om otnus pul'kanlojan kävutamižhe. Azeg pid'oiteleb jaugväged toras. Ezmäižen mail'man sodan aigan kävutihe ogakahanke vanuimenke, konz mehele piidab ülitada sidä seišti i olda hüväks metoks, vai tegihe specialižid keskustoid vanuimes metimha niihe pul'kanlojal. Nügüd'aigaižes toras kaidas harvoin, vedas manevruindan taktikad, ka ottas kebnoid pul'kanlojid tobjimalaz. Pul'kanloinikad oma snaiperan prioritetižiden metoiden lugus.

Palad

Pul'kanlojan palad oma somuzlaud, magazin, patronlent, lentkonor', ambundreigun azotim, metim, svolin', sošk, aluz, turel'.

Toran aigan pandas azegid pul'kanloipezoihe, jogale mez'kund om märhapandud.

Klassifikacii

Toižendad oma:

pul'kan kalibran mödhe: sur'kalibraine (9..15 mm), normaline (6,5..9 mm), pen'kalibraine (edel 6,5 mm);
üks'svolinäine i äisvolinäine;
jaugvägen pul'kanlojad: käzipul'kanloi, pul'kanloi alusenke, ühthine pul'kanloi;
specialižen kävutandan mödhe: laivan, lendimpul'kanloi, zenitine, tankan, kazematine pul'kanlojad.

Toižed parametrad oma mass (kebn, jüged), amblusen edhuz (1,5..3 km), amblusen temp (600..1500 ambundad minutas), patronkonoriden lugu.

Erasti ühtenzoittas pul'kanlojid paroil vai nellin.

Kacu mugažo

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.