Pert'kulu Putinan täht. Kaikiš suremban oton istorii
«Pert'kulu Putinan täht. Kaikiš suremban oton istorii» (ven.: Дворец для Путина. История самой большой взятки) om voden 2021 Venäman dokumentaline sel'gitamižfil'm. Borciundan korrupcijanke fond (ФБК/FBK) fil'mzi sidä. Ezmäine ozutez tegihe vilukun 19. päival YouTube-platformas, i päividen paras päliči fil'm om kactud enamba 50 mln kerdoid kaiked mail'madme. Sel'gitamižen pätegii om Aleksei Naval'nii, mödavtorad oma Marija Pevčih dai Georgii Alburov.
| Režissör | Aleksei Naval'nii |
| Scenarii | Aleksei Naval'nii Marija Pevčih Georgii Alburov |
| Aktörad | A.Naval'nii dai G.Alburov kut starinoičijad |
| Montaž | Kira Jarmiš Aleksandra Dubrovskaja Vitalii Kolesnikov Anton Lebedinskii Jaroslav Mudräkov |
| Žanr | dokumentaline |
| Kompanii | Borciundan korrupcijanke fond (FBK) |
| Voz' | 2021 |
| Piduz | 1 čas i 52 minutad |
| Valdkund |  Venäma
|
| Kel' | venän (anglijankel'židenke subtitroidenke) |
| Salhed | direct-to-video |
| Edeline fil'm | «Hän teile ei ole Dimon» (2018) |
| Sait | Pert'kulu Putinan täht. Kaikiš suremban oton istorii-fil'man oficialine sait |
| IMDb | ID tt13875460 |
Nece fil'm om pühätadud koverikahile korrupcižile shemile Vladimir Putin-prezidentan läheližiš ümbriolijoiš. Fil'man keskuzpala om Rezidencijan Idokopas-nemel polhe, se mülüb Putinha personaližikš sel'gitamižen tegijoiden mel'pidegen mödhe. Nägub om, miše erižpert' («Putinan Pert'kulu») om sur' lujas, üläloštajanke i hondmaguiženke interjeranke. Kaik rezidencijan territorii om penen lidnan pojav pindan mödhe, i sigä ičeze vinmarjžomad oma olmas eskai. Iče Vladimir Putin, hänen Dmitrii Peskov-ezitai dai oficialine propagand vahvištadas, miše rezidencii FSB:n varjoičendan al ei mülü Venäman prezidentha, a Naval'nijan fil'm om, pagištas, manitelend i kundan destabilizacijan naprind.
«Pert'kulu Putinan täht...» linni protestoiden katalizatoraks kaiked valdkundadme. Sen-žo voden vilukun 23. päival severz'-se kümned tuhad ristituid läksiba irdoihe lozungoidenke ohjastusen vaste da Naval'nijan päzutandale türmadusespäi.
Irdkosketused
vajehta| Pert'kulu Putinan täht. Kaikiš suremban oton istorii Vikiaitas |