Nagr

Nagr vai Nagrand om üks' ristitun reakcijoišpäi jumorha vai kučuteshe, kudamban avaidused oma specifižed kulundad i modon lihasiden da hengimižapparatan instinktivižed likundad.

Erašti nagr voib olda reakcijan nervkingiteshe (nervine nagr), agressijan tundusen («kacu, midä voin tehta, no en linne») vai olda psihižen palahtelendan tundusen.

Ühthine nagr om socializacijan da kommunikativižen kompetentižusen lujaks faktoraks. Üks'naze ristit iloitelese, no nagrata.

Gelotologii (amuižgrek.: γέλως gelos «nagr») om psihiatrijan alajaguz, tedoidab nagrad i jumorad da niiden valatoitandad ristitun organizmha.

Augotižlibund

Nagr oli ristitunvuiččiden oblezjanoiden i ristitun ühthižil ezitatoil 10 mln vozid tagaz völ, kut vastuz kučuteshe. Oblezjanan nagr erineb ristitun nagraspäi, no voib tundištada sidä.

20. voz'sadan lopun tedoidusiden mödhe nüguhired sätas märitud ul'trakulundan signalid 50 kHz paksudenke kučutesen aigan.

Nagrha sidodud vepsän muštatišed

Ala nagra rahvast, ilo om ičelaiž kodiš.

Ehtal itkend, homencel nagrand.

Kažin nagr, hiren voik.

Meletomale sanu hot' midä, kaikušti nagrab.

Mindai nagrad, a ümbri ičeiž om ilod.

Om paremb kacta nagrajan suhu, mi itkijan.

Toižid ala nagra.

Veslas eläd — ala nagra, teravas astud — ala jokse.

Üks' su i nagrab i itkeb.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.