Meteoritan lanktend Uralal vl 2013

Meteoranvuiččen hibjan poukahtuz atmosferas läz Čeläbinskad tegihe voden 2013 uhokun 15. päivän homendesel läz 9:20 sijaližen aigan mödhe (UTC+6). Meteoranvuitte hibj poukahtui läz Čeläbinskad 15—25 km korktusel. Tirpnuziden lugun mödhe (1615 ristitud) necil meteorital ei ole analogoid istorijas.

Meteoritan jäl'g taivhal

Kosmine hibj oli 18 metrad surtte i 11 tuhad tonnoid vedutte (NASA:n lugustusen mödhe), tuli leten Man atmosferha 18,6 km/s pigudel i lujas teraval saumal. Taivhaline hibj čihozi 32,5 sekundas sen jäl'ghe, poukahtuzlainhiden levigandusenke. Se oli kaikiš suremb lanktenuziš maha kosmoshibjoišpäi vn 1908 Tunguskan meteoritan aigaspäi, mugomiden aigtegoiden paksuz om kerdan sadas vodes. Hibjan palad oma löutud šoidus 80 km pitte, kaikiš znamasižemb pala om libutadud Čebarkul'-järvespäi ühtennimiženno lidnanno.

Lainhed meteoroidan čihodamižespäi kucuiba murendusid lipkaiženvuiččes agjas Čeläbinskas da sen ezilidnoiš. Kaik 7320 pertid saiba murendusid. Läz kaik ajatadud pilazmoile stöklad (200 tuhad m² vai sen enamba) oliba vajehtadud ühtes kus aigtegon jäl'ghe, kohetihe jäpert'kulun i cinktegimen varažoman sauvusid möhemba.

Meteoroid ei olend homaitud edel tulendad, Man i ratud kaimdajiden teleskopad kaceltas surembid objektoid — sada metrad da sen enamba.

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.