Katussambad

Katussamboiden erazvuiččend

Valdkund:	Živatad
Tip:	Sel'gjäntkeižed (Chordata)
Klass:	Ujelijad (Reptilia)
Heimkund:	Katussambad

Latinankel'ne nimi

Testudines (Batsch, 1788)

Areal

Katussamboiden leviganduz merisaril i kontinentil

Sistematik
Vikierikoiš

Kuvad
Vikiaitas

ITIS 948936

NCBI 8459

Katussambad (latin.: Testudines) oma Ujelijad-klassan heimkund, üks' nelläspäi.

Živatoiden augotižlibund om ridasine. Löutihe katussamboiden kaivandusid 220 mln vozid amuižusenke. Kaik om 328 eläbad erikod 14 sugukundas, ühtištadas kahteks alaheimkundaks.

Gerpetologii tedoidab katussamboid.

Ümbrikirjutand

Katussamboiden piduz oleleb 12 santimetraspäi kahthe metrhasai. Luine somuzkatuz sel'gal om neniden živatoiden erinijaks pirdaks, se kogoneb kahtes palaspäi: karapaks i plastron. Somuz kaičeb vihanikoid vaste, äjad erikod mahttas vedada somuzkatusen alle päd, händad i lopusid. Nägemine i nühaind oma šingotadud hüvin, kulemine om vällämb. Živatad oma hambhita, löuglud oma kattud sar'vplatoil n'okun nägul.

Ku sättumatomad arvoimižed tuldas (oz., vilu vai kuivaig tuleb), ka katussambad lanktas magadushe.

Kävutand

Katussambad oma tetabad ristituile amussai kebnan sal'hen tagut, voib sada pal'hil käzil. Ottas katussambalihad i katussambanmunid sömäks, slokosttäs katussambakeitost, tehtas katussambasugid.

Valitud erikod

Chelonia mydas — Vihand katussamba
Dermochelys coriacea — Nahkkatussamba
Emys orbicularis — Sokatussamba
Testuda horsfieldi — Step'katussamba

Homaičendad

Katussambad Vikiaitas

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.