Kagr
Kagr | ||||||||||||
---|---|---|---|---|---|---|---|---|---|---|---|---|
Tedoklassifikacii | ||||||||||||
|
||||||||||||
Latinankel'ne nimi | ||||||||||||
Avena L., 1753 | ||||||||||||
Tipine erik | ||||||||||||
|
Kagr (latin.: Avena) om Tähkheiniden sugukundan üks'voččiden heinäsižiden kazmusiden heim.
LeviganduzRedigeeri
Kaik tetas läz 20 erikod heimos, niišpäi äjad oma rujoheinäd.
Erikod oma levitadud Evrazijan venos vönes tobjimalaz, om vähä niid Amerikas.
KävutandRedigeeri
Päine maižanduzkul'tur om järgeline kagr. Kävutadas sen ol'ged leviteseks, ottas villäd furažaks. Tehtas nenid söndtavaroid: surin, jauh, konditerižed tegesed (sidä kesken paštikod), tisel', hel'pked (müslin pala).
Kagrha sidotud vepsän tärtusedRedigeeri
- Boltahtaz — kagrasine vezipudr bolanke.
- Harpal' — muigotez kagrjauhospäi nahkoid ümbriradamha.
- Hozjaine — tühj kagrlöuste.
- Jägl — slokosttüd ahkuidenke (šakšuidenke) kagrpudr.
- Korboi, korboitahtaz — vezipudr kagrjauhospäi.
- Libuitahtaz — rahvahaližen sömän sugu kagrjauhospäi.
- Razmest — nozol tahtaz paštamha reskoid kagrkürzid.
- Rehtikürz — kagrkürz taukunke südäimes.
Kagrha sidotud vepsän muštatišedRedigeeri
- Ala aja hebod kunutal, a aja kagral.
- Näl'ghižele kanale kagr uniš näguse.