Kühkjäiženhein

Järgeline kühkjäiženhein (Aquilegia vulgaris) Saksanmas. Se om heimon tipine erik

Valdkund:	Kazmused
Palakund:	Änikkazmused (Magnoliophyta)
Klass:	Kaksidülehtesižed (Magnoliopsida)
Kund:	Vesnuhheinänikoižed (Ranunculales)
Sugukund:	Vesnuhheinižed (Ranunculaceae)
Heim:	Kühkjäiženhein

Latinankel'ne nimi

Aquilégia L., 1753

Sistematik
Vikierikoiš

Kuvad
Vikiaitas

ITIS 18728

NCBI 3450

Kühkjäiženhein (latin.: Aquilegia), om Pohjoižen mapoliškon äivoččiden heinäsižiden kazmusiden heim. Se mülütab 75..102 erikod, mülüb Vesnuhheinižed-sugukundha.

Etimologii

Heim sai vepsän nimitust kühkjaižed-linduišpäi.

Latinan nimi libub sanoišpäi agua «vezi» i legere «kerata», vai aguila-sanaspäi «orl».

Leviganduz

Heimon erikod oma levitadud Pohjoižes mapoliškos: Evropan, Kitain i Japonijan, Pohjoižamerikan erikoiden gruppad. Kazvatadas läz 35 erikod kul'turkazmusikš, om sätud niiden gibridoid (Aquilegia ×hybrida).

Sijaduz kazvatuses om pol'pil'vez. Kazvab paremba nepsoil keskmäras tahondoil, kebnoil i rohlil, vägekahil mahusil. Jädas sadunkazmusid lämäta katuseta tal'veks päiči subtropižiš (oz., Aquilegia skinneri) erikoiš.

Ümbrikirjutand

Vezad šingotadas kaks' vot. Lehtesed oma koumepalaižed kahten toižendan: ištujad seikhel i kazvajad kaksin vai koumin notkujal pit'kal vardel.

Änikod oma üks'jäižed. Evropižiden i azijalaižiden erikoiden anikočendan mujud oma vauged, taivazma, sinine, ruskedvauvaz. Amerikaižiden erikoiden änikod oma kuldataban i rusttan ližamujuiden. Plod om äilehtesine. Henod mustad loštajad semned oma morijad, ned kaitas idümižmahtust läz üht vot.

Valitud erikod

Aquilegia alpina — Al'pine kühkjäiženhein
Aquilegia formosa — Čomakulu kühkjäiženhein
Aquilegia karelinii — Karelinan kühkjäiženhein
Aquilegia olympica — Olimpine kühkjäiženhein
Aquilegia parviflora — Henänikoine kühkjäiženhein
Aquilegia sibirica — Sibirine kühkjäiženhein
Aquilegia skinneri — Skinneran kühkjäiženhein
Aquilegia viridiflora — Vihandänikoine kühkjäiženhein
Aquilegia vulgaris — Järgeline kühkjäiženhein, heimon tipine erik

Homaičendad

Kühkjäiženhein Vikiaitas