Hajukaz sel'derei

Hajukaz sel'derei (var. rapaceum) zavodib kazda

Valdkund:	Kazmused
Palakund:	Änikkazmused (Magnoliophyta)
Klass:	Kaksidülehtesižed (Magnoliopsida)
Kund:	Vihmankatuzänikoižed (Apiales)
Sugukund:	Sel'derejižed (Apiaceae)
Heim:	Sel'derei (Apium)
Erik:	Hajukaz sel'derei

Latinankel'ne nimi

Ápium graveólens L., 1753

Sistematik
Vikierikoiš

Kuvad
Vikiaitas

ITIS 29592

NCBI 4045

Hajukaz sel'derei (latin.: Apium graveolens) om kaks'vozne heinäsine kazmuz. Mülütadas Sel'derejižed-sugukundha, Sel'derei-heimon kaikiš tetabamb erik, om maižanduzkul'turaks.

Ümbrikirjutand

Kazmuz oleleb ühthe metrhasai kortte. Sädab lehtesid i jur'plodud elon ezmäižel vodel, änikoičeb i andab semnid kahtendel vodel. Plod om kehkranvuitte, läz kaksitadud, videnke nitivuiččenke kül'genke joga polel.

Lehteztoižendan vegetacine pord om lühüdamb, se laskeb kazvatada sidä pohjoižembiš rajoniš. Kazvatadas jur'toižendad taimniden kävutandanke. Kaik sel'derejan toižendad navettäs vet i nepsoid mahusid, vilunvastaižed, semned idüdas jo +3 C° lämudel (no optimaline om +15 C°), orahaižed seištas haloid vaste −5 Cel'sijan gradushasai.

Kävutand

Ližatas kazmusen kaikid paloid ezmäižihe i toižihe blödoihe, salatoihe, jomihe, painatosihe, eriližmagutesihe. Kävutadas kuivatud-ki jurištod. Voib keitta i paštta jurid varha ližadamha keitosihe i garniroihe.

Ottas kävutamižhe medicinas kut kuzenajai abutuz.

Galerei

Hajukahan sel'derejan kuva O. V. Tome-tegijan Flora von Deutschland, Österreich und der Schweiz-kirjaspäi, 1885
Sel'derejan semned
Varz'sortuiden vaumitud varded
Jur'sortuiden jur'plodud

Homaičendad

Hajukaz sel'derei Vikiaitas

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.