Samucevič Ekaterina

Jekaterina Stanislavovna Samucevič (ven.: Екатерина Станиславовна Самуцевич) vai Katä (Катя; sünd. 9. eloku 1982, Moskv, NSTÜ) om venämalaine programist, pankmuzikant da pajatai; «Voina»-artgruppan (vspäi 2007) i «Pussy Riot»-muzikkollektivan enzne ühtnii.

Samucevič Ekaterina
Jekaterina Samucevič Moskvan Tagankan rajonan käskuzkundas (vn 2012 kezaku)
radmižen toižend:	программистка, певица
sündundan dat:	9. eloku 1982(1982-08-09) (42 vot)
sündundan sijaduz:	Moskv, Nevondkundaližiden Socialistižiden Tazovaldkundoiden Ühtištuz
valdkund:	Nevondkundaližiden Socialistižiden Tazovaldkundoiden Ühtištuz  Venäma
Samucevič Ekaterina VikiAitas

Biografii

Jekaterina om Moskvan energetižen institutan pästnikan. Radoi programtegijan kaičendministrusen «Morinformsistema-Agat»-koncernas, sidä kesken ühtni programholitusen K-152 «Nerpa»-VA-laivan täht radatoitandha kaks' vot. Läksi koncernaspäi i jätksi säta programid frilanseraks. Vl 2009 lopi opendust Moskvan fotografijan da mul'tumedijan školas Rodčenkon nimed.

Vn 2012 21. päiväl uhokud muzikgruppan ühtnijad tegiba akcijad Moskvan Hristos-Sündun päjumalanpertiš — pankloičend pühäpertin keskuzpalas, Samucevič oli puttud arestan alle 16. keväz'kud. Sen-žo voden elokun 18. päiväl Jekaterina i kaks' tošt «Pussy Riot»-muzikgruppan solistad, Marija Alöhina da Nadežda Tolokonnikova, oliba sittud kahteks vodeks ičeze huliganižes tegos. Vn 2012 10. päiväl redukud Moskv-lidnan käskuzkundan kollegii kacui processan ühtnijoiden kassacižid žalleitamižid i kändi strok Samucevičule arvoimižstrokuks, sid'-žo pästtihe händast arestan alpäi.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.