Cheri, Cheri Lady

«Cheri, Cheri Lady» (Kalliž višn'aine emänd) om Modern Talking-duetan tetab pajo da ühtennimine singl. Se om ühtenz' pajo kahtendes «Let's Talk About Love»-studijanal'bomas, kudamb om pästtud 1985-nden voden redukul. Singl om üks'jäine al'bomaspäi i om pästtud aigemba, vn 1985 2. päiväl sügüz'kud, muga kaik al'bom tegihe populärižemb.

Pajon tekst om sätud anglijan kelel. Kompozicijan tegii i singlan prodüser om Diter Bolen. Originaline pajo om änetadud evrodisko-stiliš. Singl saihe ezmäižhe sijhasai neniš Evropan maiš: Avstrii, Saksanma, Šveicarii, Norvegii, Ispanii. Möihe enamba mi 250 tuhad singlan kopijoid Saksanmas i Francijas.

Pajon tekst om pühätadud Tomas Andersan navettüd Čeri-koirale. Bolen kirjuti pajon i tahtoi okaida sidä koveritomuden tagut, no Anders napri kompozicijan änetusen polhe.