An-22

An-22 «Antei» (ven.: Ан-22 «Антей»; PAKO:n kodifikacijan mödhe — Cock «Kukoi») om ukrainižen «Antonov»-kompanijan nevondkundaline sodatransportine lendim. Se om kaikiš suremb lendim mail'mas turbopropellerlikutimidenke, om nell' likutint.

Ezmäine lenduz tegihe vn 1965 uhokus. Kaik oli 67 lendint, pästtihe seičemeks serijaks (kümne lendint jogahižes) Taškentan aviategimel vll 1966−1976, sidä kesken 22 lendint An-22A-modifikacijanke. Lendimed oliba kävutandas vn 1969 vilukuspäi, niiden radon strok om 26 vot. Venämas i Ukrainas om nenid lendimid tähäsai: nell' lendint oma kävutandas i kaitihe koume lendint muzejoiden täht.

Kävutihe lendimid avaros nevondkundaližen hogahtusen Afganistanha zavodindas, nevondkundaližiden sodavägiden lähtendan aigan Päivnouzmaižes Saksanmaspäi, pagenikoiden transportiruindan täht Afrikan maiš.

Tehnižed harakteristikad

Tomehišt: 5..7 ristitud.
Passažiroiden lugu: 290 saldatad vai 202 satatadud mest vai 150 parašutistad.
Jügutoitmižvoind: 80 tonnhasai.
Irdmärad: 57,31 m pitte, 12,53 m kortte, maihutuzkeskust 64,4 m.
Pal'han lendimen mass om 120 tonnad, mass täudenke jügunke 227 tonnad, sidä kesken poltusen mass 96 tonnhasai.
Likutimed: 4 × TVD NK-12MA, kaikuččen vägevuz om 15 265 hebonväged (11 227 kVt)
Puno: AV-90, diametr 6,2 m.

Lenduzharakteristikad

Kaikiš lujemb piguz: 650 km/čas
Kreiserine piguz: 560 km/čas
Praktine edhuz: 5225 km
Pal'han lendimen edhuz: 8500 km
Lendusen praktine korktuz: 9000 metrhasai.

An-22 Vikiaitas

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.