Avaita pämenü

Verhovažjen rajon (ven.: Верховажский район) om rajon Vologdan agjas.

Verhovažjen rajon
Верховажский район
Znam
Coat of Arms of Verkhovazhsky rayon (Vologda oblast).png
Flag
Flag Verxovazhskij.jpg
Valdkund Venäma
Administrativine keskuz Verhovažje
Eläjiden lugu (2015) 13 133 ristitud
Pind 4 255,47 km²
Verhovažjen rajon Верховажский район

Administrativine keskuz om Verhovažje-žilo.

IstoriiRedaktiruida

Rajonan aluz om pandud vl 1929 heinkun 15. päiväl Pohjoižen randan Nändoman ümbrikho. Vl 1930 heinkun 30. päiväl heitihe ümbrikod, sid' vozil 1930−1931 da 1935−1936 Verhovažjen rajon mülüi Pohjoižhe randha kuti administrativine ühtnik. Vozil 1931−1935 rajonan territorii oli ühtnenu Vel'skan rajonanke. Vozil 1936−1937 rajon mülüi Pohjoižhe agjaha. Vs 1937 sügüz'kun 23. päiväspäi mülüb Vologdan agjaha. Rajon om olmas nügüdläižiš röunoiš vspäi 1935.

Geografijan andmusedRedaktiruida

Verhovažjen rajon sijadase agjan pohjoižes. Pind — 4 255 nellikkilometrad. Mec otab territorijan 86% (3662 km²), kavag'mecad (kuz', pedai) da koivikod oma enambuses. Rajonan piduz suvespäi pohjoižhe — 70 km, päivnouzmaspäi päivlaskmha — 85 km.

Om röunoid seičemenke Venäman rajonanke:

Reljef om kukhikaz päivlaskmas (Ülävagan kukkazsel'g) süviden jogialangištoidenke, tazo päivnouzmas, sokaz sijidme. Znamasine jogi om Vag sen Kuloi- (oiged) da Pežm- (hura) ližajogidenke. Om severz'-se penid järvid (penemba 1 km²). Kaik joged mülüdas Pohjoižen Dvinan (Jävaldmeren) basseinha.

Londuseližed varad oma turbaz, sauvondmaterialad (mouckivi, letked, gravii, saved), mec, reskvezi.

Vs 2015 kezakun 25. päiväspäi rajonan territorii jagase 12 küläkundaks.

TobmuzRedaktiruida

Vs 2012 keväz'kun 4. päiväspäi Gennadii Nepomilujev om valitud i radab rajonan da sen administracijan pämehen. Hänen valdatusiden strok om nell' vot. Kaks' administracijan varapämest oma hänele abhu. Viž ohjandust, 11 palakundad, 1 komitet da 2 laudkundad alištudas rajonan administracijale.

Käskusenandai tombuz om Ezitajiden Suim (ven. Представительное собрание) 17 ühtnijanke. Kaik rahvaz valičeb heid nelläks vodeks. Järgvaličendad sihe oliba vl 2012 keväz'kun 4. päiväl (videnz' kucund). Vladimir Poležajev radab sen ezimehen vl 2015.

EläjadRedaktiruida

Vn 2010 Venäman rahvahanlugemižen mödhe eläjiden lugu oli 15 568 ristitud.

Kaik om 230 eländpunktad rajonas, sidä kesken 6 žilod da 224 küläd, niišpäi 52 oma kaikenaigaižeta ristitištota. Toižid surid eländpunktoid ei ole.

IžanduzRedaktiruida

Rajonan ižandusen päsarakod oma mecan varhapanend da ümbriradmine pilindmaterialoihe, sömtegimišt da maižanduz, turizm.[1]

HomaičendadRedaktiruida

IrdkosketusedRedaktiruida