Venäman hogahtuz Ukrainha (vodelpäi 2022)

sodakonflikt Venäman i Ukrainan keskes, kudamb zavodihe voden 2022 uhokun 24. päiväl
(Oigetud lehtpolelpäi Venäman hogahtuz Ukrainha (2022))

Venäman hogahtuz Ukrainha, vai Venämalaiž-ukrainalaine soda, vai Venäman soda Ukrainan vaste, Venäman agressii Ukrainan vaste (oficialine nimi: Specialine sodaoperacii, ven.: Специальная военная операция; voimusine specoperacijan peitnimi — «Mangustan heituz», ven.: „Бросок мангуста“) om järed hogahtuz (sodaintervencii) Ukrainha Venäman laptaspäi, kudamb zavodihe voden 2022 uhokun 24. päiväl aigoiš homendesel. Necen edes Venäma kogozi ičeze kontraktarmijan vägid plananmärižes lähen Ukrainan röunmad, a mugažo Venäman Putin-prezident tundišti oficialižes DNR:an da LNR:an ripmatomut 21. päiväl uhokud. Aigemba il'mestuiba äiluguižed znamad, miše hogahtuz oleskelda voib; Putin da tobmuz ei tundištanugoi niid todesižikš.

Venäman armijan sodategendoiden Ukrainan territorijas aktualine kart.
rusked — territorii Venäman armijan i «LDNR»:an separatistoiden kontrolin al;
pakuine — Ukrainan territorii (pro-)venämalaižen kontrolita;
tomarad — (pro-)venämalaižen (rusttad) vai ukrainalaižen (sinižed) sodavägiden edenendoiden čuraduz;
💥 — iškendad Ukrainan eländpunktoihe

Päiškendad hogahtiba Ukrainan päivnouzmha, pohjoižhe (Vaugedvenäman territorijaspäi Aleksandr Lukašenko-prezidentan peitpaginan polhe) dai ehtbokha. Putin sanui, miše sodaintervencijan metod oliba aniku Ukrainan demilitarizacii i «denacifikacii» vaiše.

Ukrainan Vladimir Zelenskii-prezident tegi tedotust, miše Venäman sodategendoiden pämet om Ukrainan likvidiruind valdkundaks. Vägitungendan päiväl Ukrain rebiti diplomatižid kosketusid Venämanke, Zelenskii-prezident pani sodaolendad Ukrainan territorijal. Üleine mobilizacii om tedotadud Ukrainas 25. uhokud.

Voden 2022 keväz'kul oli olnu kožundpaginoid toradajiden poliden keskes, no hogahtuz jätktase völ.

Hogahtuz Ukrainan territorijaha sai agjahišt hondustust äjiš valdkundoiš, hätkeližstrokuižiden jäl'gusidenke Venäman ekonomikale da kundale. Läz 70% venänikoid gölü pid'oiteliba sodaoperacijad. Ei kaik eläjad meiš valdkundas oliba lugenuded hogahtusen hüväks, i oliba lähtnuded irdale sanumha «em tahtoigoi sodan Ukrainan vaste», no tobmuz oli azotanu sidä kovas. Sodacenzur Venämas, Vaugedvenämas i palahižes Ukrainas oli zavodinus.

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.