Timofeik

Timofeik
Nittimofeikan änikuz (Phleum pratense subsp. pratense inflorescens)
Tedoklassifikacii
Valdkund: Kazmused Palakund: Änikkazmused (Magnoliophyta) Klass: Üksidülehtesižed (Monocotyledoneae) Kund: Tähkänikoižed (Poales) Sugukund: Tähkheinäd (Poaceae) Heim: Timofeik
Latinankel'ne nimi
Phléum L.
Sistematik Vikierikoiš Kuvad Vikiaitas ITIS 41061 NCBI 15956

Timofeik (latin.: Phleum) om üks'voččiden i äivoččiden heinäsižiden kazmusiden heim. Mülütadas Tähkheiniden sugukundha.

Leviganduz

Kazmuz om levitadud Evropan, Azijan i Afrikan maiš. Introduciruihe Amerikan maihe i Avstralijha. Sädab heinän päpalad nituil pojavanke lähiženke Alopecurus-heimonke (45 erikod). Kazvab mecoiš, mecstepiš i mägitahondoiš.

Ümbrikirjutand

Jurišton vauktad jured oma 3..5 mm sankte. Jur' pakuštub da kuidahtub räkän aigan, no andab orahaižid kastelendan jäl'ghe. Timofeik kazvab 20 santimetraspäi pol'tošt metrhasai kortte, voib olda severz'-se seikhid jurespäi. Änikod formiruidas hoikan cilindrižen tähkan nägul. Semned levigatas ičeze koukuižil živatoiden i ristitun abul.

Pakaižvastaine kazmuz, idäb aigaližel kevädel.

Kävutand

Semetas-kul'tiviruidas severz'-se erikoid (nittimofeik Phleum pratense päpaloin) sötmižkazmusikš kaikiden maižanduzživatoiden täht.

Kazmuz om todud kul'turha Venämas 17. voz'sadal. Semetas omaluižil i pöudoil varhapanemha kuivatud da tošt heinäd. Nittas änikoičendan zavodindas.

Valitud erikod

Kaik lugetas 15..18 erikod heimos.

• Phleum alpinum — Al'pine timofeik
• Phleum arenarium — Letkiden timofeik
• Phleum iranicum — Iranine timofeik
• Phleum paniculatum — Löustkikaz timofeik
• Phleum phleoides — Step'timofeik
• Phleum pratense — Nittimofeik, heimon tipine erik
• Phleum subulatum