Zuerat (arab.: الزويرات‎, franc.: Zouerate / Zouérat) om lidn Mavritanijan pohjoižpalas. Se valdkundan kudenz' lidn eläjiden lugun mödhe, Tiris Zemmur-agjan administrativine keskuz.

Zuerat
الزويرات‎
Valdkund Mavritanii
Eläjiden lugu (2013) 59,002 ristitud
Zuerat الزويرات‎
Telefonkod +222-
Aigvö UTC+0

Istorii vajehta

Raudan samine Zueratan tahondas mainitase ezmäižen kerdan 11. voz'sadal völ. Vl 1952 todištihe raudkivendon kommertižid varoid, i vl 1958 ezmäižed tarhad oliba anttud radho koncessijan arvoimižil. Vspäi 1974 samine om nacionaliziruidud, i nügüd'aigan valdkundaline SNIM-kompanii sab raudkivendod päpaloin. Vll 1981 i 1990 löutihe raudan toižid varoid 30..60 kilometras Zuerataspäi.

Zuerat šingotase raudkivendon samižel. Pit'kad vagonrived kivendonke ajasoiš raudtedme 650 km pitte Nuadibu-porthasai, tagaz todas ajaden raudtedme sauvondmaterialid, jondvet da kaik tošt lidnan täht.

Geografijan andmused vajehta

Lidn sijadase agjan suvipäivlaskmas, 380 m ü.m.t. keskmäižel korktusel. Lähembaine lidn om Fderik 30 km päivlaskmha, läz Päivlaskmaine Sahar-territorijan röunad.

Klimat om tropine räk kuiv letetazangišton. Voden keskmäine lämuz om +25,6 C°, tal'vkun-uhokun +16..+19 C°, kezakun-sügüz'kun +32..+34 C°. Ekstremumad oma +6 C° i +47 C°. Paneb sadegid 56 mm vodes, enamba kaiked sügüz'kus (21 mm).

Lidn kogoneb severziš-se erigoittud rajonišpäi: Mavritanijan radnikoiden, radnikoiden verhiš maišpäi, «ižandoiden», ohjandajiden, administrativine keskuz.

Eläjad vajehta

Vl 2005 lidnan eläjiden lugu oli 37 977 ristitud, agjan nell' videndest. Ristitišt radab kaivuztegimištos i sen holitajiš edheotandoiš. Om äi radnikoid Afrikan verhiš maišpäi.

Tazadit-lendimport (OUZ / GQPZ) radab, se ühtenzoitab pälidnanke i Kasablank-lidnanke.

Homaičendad vajehta