Zmeinogorsk (ven.: Змеиногорск) om Venäman lidn da lidnankund Altajan randan suves. Se om Zmeinogorskan rajonan administrativine keskuz.

Zmeinogorsk
Змеиногорск
Lidnanznam
Valdkund Venäma
Eläjiden lugu (2021) 10,187 ristitud
Pind 32,6[1] km²
Zmeinogorsk Змеиногорск
Pämez' Eduard Savinov
(reduku 2018—)
Telefonkod +7−38 587-xx-xxx
Avtokod 22
Aigvö UTC+7 (MSK+4)

Istorii vajehta

Eländpunktan aluz om pandud vl 1736 kuti žilo samha kuldad da hobedad. Vl 1757 lidnuz oli saudud varjoičemha sadud metalloid. Vozil 1941−1997 saihe äimetallišt kivendod. Žilo sai lidnan statusad vl 1952. Edel 2008. vot oli lidnümbrikoks, rajon eriži.

Zmeinogorsk šingotihe küllästamižfabrikal, juvelirfabrikal i likör-vodkan tegimel, nügüd' om eländsijaks rajonan kaivuziden radnikoiden täht.

Geografijan andmused vajehta

Lidn sijadase Alei-jogen üläbasseinas, 450 m ü.m.t. keskmäižel korktusel. Matkad Barnaulhasai om 360 km pohjoižpäivnouzmha. Lähembaine lidn om Gornäk 53 km suvipäivlaskmha orhal vai 65 km avtol.

Lazurk-žilo (ven.: село Лазурка, 169 rist. vl 2016, 25 km lidnaspäi) mülüb lidnankundha Zmeinogorskan ližaks. Lidnankundan pind — 33,38 km².

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 10 955 ristitud, lidnankundan — 11 155 ristitud, rajonan pol'. Kaikiš suremb lidnan ristitišt oli 13 774 eläjad vl 1959. Vl 2017 kaik 10 575 ristitud elihe lidnas i 10 739 ristitud kaikes lidnankundas.

Edeline lidnan pämez' om Viktor Prokin (reduku 2013 — reduku 2018).

Galerei vajehta

Homaičendad vajehta

  1. Zmeinogorsk Altajan randal oficialižel altairegion22.ru-saital. (ven.)

Irdkosketused vajehta



Altajan randan lidnad
Aleisk | Barnaul | Belokurih | Bijsk | Gornäk | Jarovoje | Kivi Obil | Novoaltaisk | Rubcovsk | Slavgorod | Zarinsk | Zmeinogorsk