Valensii (Venesuel)

Valensii (isp.: Valencia [baˈlensja]) om lidn Venesuelan pohjoižes. Se om valdkundan koumanz' lidn eläjiden lugun mödhe, Karabobo-štatan pälidn.

Valensii
Valencia
Flag
Valdkund Venesuel
Eläjiden lugu (2019) 1,619,470 ristitud
Pind 1,578 km²
Valensii Valencia
Telefonkod +58−241
Aigvö UTC−4


Sil sanal voib olda toižid znamoičendoid; miše nähta niid, tulgat tänna.
Lidnan da sen ümbrišton transportine kart (2016)

Istorii vajehta

Eländpunktan aluz om pandud vl 1555. Valensii oli Venesuelan pälidnaks vll 1812−1830.

Valensii šingotase mašinansauvomižel, himižel i farmaceftižel sarakoil, sömtegimištol.

Geografijan andmused vajehta

Lidn sijadase alangištos, 520 m ü.m.t. keskmäižel korktusel. Kariban Andad ümbärtas lidnad. Valensii-järv (vai Takarigua, 350 km²) zavodiše 15 kilometras päivnouzmha lidnan keskusespäi. Matkad Kariban meren randišthosai om 30 km pohjoižhe (Puerto Kabel'jo-port), Karakas-pälidnhasai om 125 km päivnouzmha.

Valensii jagase 5 municipaližhe ühtnikha (isp. municipio), ned alajagasoiš 14 tulendha (isp. parroquia).

Eläjad vajehta

Vn 2011 Venesuelan rahvahanlugemižen mödhe lidnan eläjiden lugu oli 1 396 322 ristitud. Kaikiš suremb lidnan ristitišt om nügüd'. Läz 2,1 mln elädas ezilidnoidenke.

Transport vajehta

Avtobusad (isp. üks'lugu bus i buseta) i maršruttaksid (isp. microbus vai colectivo) oma kundaližeks transportaks. Vspäi 2006 metropoliten radab (1 jono, 9 stancijad, 7 km raudted).

Rahvahidenkeskeine civiline lendimport Arturo Mičelena-pirdajan nimed (VLN, 788 tuh. passažiroid vl 2012) sijadase 10 km päivnouzmha lidnan keskusespäi. Tehtas reisid Panamha, Arub-sar'he i Santo Domingoho, mugažo Venesueladme.

Homaičendad vajehta


Irdkosketused vajehta