Tunis (lidn)

Tunis (arab.: تونس‎, [ˈtuːnis], berber.: ⵜⵓⵏⴻⵙ) om Tunis-valdkundan pälidn da kaikiš suremb lidn. Se om Tunisan agjan administrativine keskuz mugažo, mülüb sihe.

Tunis
تونس‎ (Tunis)

Valdkund	Tunis
Eläjiden lugu (2023)	599,368 ristitud
Pind	104 km²
Pämez'	Seifalla Lasram (sulaku 2011—)
Telefonkod	+216−71
Aigvö	UTC+1

Sil sanal voib olda toižid znamoičendoid; miše nähta niid, tulgat tänna.

Lidnan nägu Man kaimdajaspäi, 2011

Istorii

Eländpunkt mainitase ezmäižen kerdan 9. voz'sadal EME. Araban sodaväged elänzoittiba lidnad 7. voz'sadal meiden erad. Datiruidas kaikiš vanhembid sauvusid 13.-15. voz'sadal.

Lidn sen ezilidnoidenke šingotase turizmal, himižel tegimištol i sauvondmaterialiden sarakol, om tekstilin edheotandoiden i sömtegimiden keskuseks.

Geografijan andmused

Lidn sijadase Keskmeren Tunisan lahten da Tunis-järven randoil, 4..41 metrad ü.m.t. korktusil.

Klimat om Keskmeren. Kezal om räk, kuivan polhe, tal'vaig om vihmakaz. Voden keskmäine lämuz om +19,2 C°, heinkun-elokun +29,1..+29,3 C°, tal'vkun-uhokun +10,7..+12,1 C°. Ekstremumad oma −5,3 C° (viluku) i +49 C° (heinku, eloku). Paneb sadegid 555 mm vodes, enamba kül'mkus-keväz'kus (71..85 mm kus), vähemba kezakus-elokus (13 mm pordos).

Eläjad

Kaik 550 404 eläjad oli lidnan municipalitetan röunoiš vl 1975, sil-žo aigal lidnan ristitišt ezilidnoidenke oli 873 tuhad eläjid.

Vl 2023 läz 2,7 mln ristituid elädas ezilidnoidenke 2668 km² pindal. Vl 2014 lidnaglomeracijan ristitišt oli 2 mln, se oti valdkundan videndest.

Transport

Avtobusad, kiruhtramvaid (vspäi 1985), ezilidnelektrojonused, maršruttaksid (luaž:ad) da taksid oma kundaližeks transportaks lidnas. Ühtenzoitase meriportoidenke raudtel. Rahvahidenkeskeine civiline Tunis-Karfagen-lendimport (TUN) sijadase 7 km pohjoižpäivnouzmha lidnaspäi.

Irdkosketused

• Lidnan tobmuden aluzkundoiden oficialine sait (commune-tunis.gov.tn). (fr.) (arab.)