Toropec (ven.: Торо́пец) om Venäman lidn da lidnankund Tverin agjan päivlaskmas. Se om Toropecan rajonan administrativine keskuz.

Toropec
Торопец
 Lidnanznam
 Flag
Valdkund Venäma
Eläjiden lugu (2020) 11,826 ristitud
Pind 22,29 km²
Toropec Торопец
Pämez' Tatjana Boikova
(reduku 2018—)
Telefonkod +7−48 268-xx-xxx
Avtokod 69
Aigvö UTC+3 (MSK+0)

Istorii vajehta

Eländpunkt mainitase ezmäižen kerdan vl 1074 pühän Pečeran Isaakijan augotižlibundaks («toropecalaine»). Toine lidnan nimi oli Krivitesk. Toropec-žo mainitase vl 1168 lidnan statusanke kuti ühtennimižen ruhtinazkundan (1168−1320) keskuz. Eländpunkt om sirtud udhe sijha vn 1337 lujan lämoipalon da sur'veden jäl'ghe. Toine luja lämoipalo oli vl 1634, i ph. Mikulain jumalanpert' (1669) tegihe ezmäižen kivižen sauvusen lidnas.

18. voz'sadal lidn oli mülünu Ingrijan (Piterin) gubernijha, sid' Uz'lidnan i Pskovan gubernijoihe. Vspäi 1935 om Tverin agjan palaks. Toižen mail'man sodan aigan oli okkupiruidud nacistižen Germanijan sodavägil (29. eloku 1941 — 21. viluku 1942).

Toropecan ižandusen päsarakod oma kebn tegimišt (kengiden fabrik[1]) i mecan ümbriradmine, mugažo plastikpakuitesen tegim i valamižmehanine tegim oma olmas.

Geografijan andmused vajehta

Lidn sijadase rajonan suves, Toropanjogen randal (ven.: река Торо́па 174 km pitte, ende Торопица, Päivlaskmaižen Dvinan oiged ližajogi), se jokseb Solomennoje- i Zalikovskoje-järviš läbi lidnan südäimes. Toropec seižub Valdai-ülüden suvipäivlaskmas, 180 m ü.m.t. keskmäižel korktusel. Ühtennimine raudtestancii sijadase «BologojeVelikije Luki»-keskustal.

Matkad Tverihesai om 265 km päivnouzmha orhal vai 316 km avtotedme. Lähembaižed lidnad oma Andreapol' 42 km pohjoižpäivnouzmha orhal, Päivlaskmpol'ne Dvin 38 km suvipäivnouzmha orhal i Velikije Luki 70 km päivlaskmha orhal vai 97 km avtotedme.

Toropec om lidnankundan üks'jäižeks eländpunktaks.

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 13 015 ristitud, kaks' koumandest rajonan ristitištos. Kaikiš suremb lidnan ristitišt oli läz 17 tuhad eläjid vozil 1970−2001. Kaik 12 092 eläjad oli lidnas vl 2017.

Ortodoksižen hristanuskondan 19 pühäpertid[2] oma saudud i kaičenus lidnas: ph. Tihonan naižjumalankodi (kaks' jumalanpertid), Jumalanmaman Korsunin jumalaižen päjumalanpert', Eläban Eziauguižen Stroican päjumalanpert' Stroican jumalankodiš, kümne jumalanpertid, kaks' kodijumalanpertid, koume časounäd. Niiden ližaks viž jumalanpertid ei ole kaičenus.

Toropecan kolledž[3] (ende profškol i maižanduztehnikum) om lidnan professionaližen opendusen aluzkundaks.

Edeline lidnan pämez' (Deputatoiden nevondkundan ezimez') om Aleksandr Läšok (2013 — tal'vku 2017).

Galerei vajehta

Homaičendad vajehta

  1. Toropecan kengiden fabrikan sait (kupitapki.ru). (ven.)
  2. Toropecan pühäpertid sobory.ru-saital. (ven.)
  3. Toropecan kolledžan sait (торопец-колледж.рф). (ven.)

Irdkosketused vajehta



Tverin agjan lidnad
Andreapol' | Belii | Bežeck | Bologoje | Kaläzin | Kašin | Kimri | Konakovo | Krasnii Holm | Kuvšinovo | Lihoslavl' | Nelidovo | Ostaškov | Päivlaskmpol'ne Dvin | Ržev | Staric | Zubcov | Toropec | Toržok | Tver' | Udoml' | Ves'jegonsk | Višnii Voločok