Torahein
| Torahein | ||||||||||||||
|---|---|---|---|---|---|---|---|---|---|---|---|---|---|---|
 Toraheinän kul'turkazmuz Göttingenan botanižes sadus, Saksanma | ||||||||||||||
| Tedoklassifikacii | ||||||||||||||
|
||||||||||||||
| Latinankel'ne nimi | ||||||||||||||
| Hyoscýamus níger (L., 1753) | ||||||||||||||
|
Torahein (latin.: Hyoscyamus niger) om kaks'vozne heinäsine morii kazmuz. Mülüb Paslönanvuiččed-sugukundan Torahein-heimho, sen tipine erik.
Leviganduz vajehta
Torahein om levitadud kazmuz, eziauguine areal om Evrazii (päiči vilus vös) i Afrikan pohjoine. Om introduciruidud i mectunu erik Pohjoižamerikas i Avstralijas.
Kazvab rujoheinäks okaidud maiš, teveril i eländsijidenno, pustolänidme, pöudoil. Torahein om ottud kul'turha, kazvatadas zell'torhudeks väghižil rohlil mahusil.
Ümbrikirjutand vajehta
Kazmusen kaik palad oma toksižed lujas alkaloididen olendan tagut, haižub vastmel'žikš. Erikon latinine niger-nimituz «must» om anttud äniklehtesiden alusen mujun tagut.
Jurišt om värtmenvuitte pehmed, sarakoičese, kahthe..koumhe santimetrhasai diametral. Lehtesed oma karvakahad pehmdad, čereduišoiš, alah om vauktamb. Sädab lehtesid jurespäi ezmäižel vodel. Sanged seikh 115 santimetrhasai kortte kazvab kahtendel vodel, sarakoičese. Pakuižetabad änikod kazdas seikhen i barboiden agjoiš, ned oma 20..45 mm surtte, leikan formal.
Plod om kaks'palaine konorüt kukšinan formal, oleskeleb küps heinkus-elokus. Semned oma henod äiluguižed.
Kävutand vajehta
Kaik preparatad kävutasoiš vaiše lekarin pätandan mödhe i irdpolel tobjimalaz. Ottas semnid spravitajan voin purtkeks, unotez seikhen nahkaspäi om hambhiden läžundoid vaste. Varhapandas lehtesid (latin.: Folium Hyoscyami) ezmäižen voden lopus i kahtenden voden heinkus änikoičendan aigan. Sadas tarbhaižiden substancijoiden ekstraktoid, oz., anestetikoid.
Mezjäižed keratas kazmusespäi vähän nektarad, toraheinän heid'om om travii heiden täht.
Torahein tob gallücinacijoid i om toksine penes lugumäras eskai, piidab pesta südäikohtud pigai. Travindan tundused tuldas 15..20 minutas. Čomad änikod vedatadas lapsiden tarkust, ka tariž heitta kaik kazmusid eländpunktoišpäi.
Galerei vajehta
-
Kazmuz kahtendel vodel -
Änikod -
Plodud küpstas -
Henod semned
Homaičendad vajehta
| Torahein Vikiaitas |