Tähklind
Tähklind | ||||||||||||||
---|---|---|---|---|---|---|---|---|---|---|---|---|---|---|
Tedoklassifikacii | ||||||||||||||
|
||||||||||||||
Latinankel'ne nimi | ||||||||||||||
Crex crex (Linnaeus, 1758) | ||||||||||||||
Areal | ||||||||||||||
Pezoitelendan areal Tal'vdundan eländtahod | ||||||||||||||
|
Tähklind (latin.: Crex crex), mugažo Rugižlind da Rugižpaskač paginoiš, om levitadud pen' kezalind. Mülütadas Kräksunlindunvuiččed-sugukundha (Rallidae).
Leviganduz vajehta
Lind tegeb pezoid Evropas, Azijan stepin zonas, tal'vdub Afrikan suvipäivnouzmas.
Ümbrikirjutand vajehta
Hibj om 27..30 sm pitte i 80..200 grammad vedutte, suugiden maihutuzkeskust 46..53 sm. Ižačud oma järedamba i hahkamba mi emäčud. Kagl om pit'kahk, pä om kehker. N'ok om läz konine, lühüd i vahv, ruskedvauvhan mujun polhe.
Lind oleskeleb täuz'kaznu elon ezmäižen voden lopus. Munib pezha 5..14 munad, haudumižpord 16..19 päivest, voib mundä kaks' kerdad vodes. Tähklind vereb heinkus-elokus i ei voi leta sil aigal.
Eläb peitoiči korktal heinän žomiš, läz ei lenda, no lendab tuhad kilometrid migracijan aigan. Lindud elädas 5..7 vot, oma ristitun mectusen objektaks.
Söte vajehta
Sötlese hämähöukuil da toižil gavedil, mollüskoil, erasti penil löcoil i imetaiživatoil. Mugažo söb erazvuiččiden tähkheiniden da toižiden heiniden semnid da lehtesid.
Homaičendad vajehta
Tähklind Vikiaitas |