Susuman (ven.: Сусума́н) om Venäman lidn Magadanan agjan lodehes. Se om Susumanan lidnümbrikon administrativine keskuz, edel 2015. vot nimitihe lidnümbrikod Susumanan rajonaks.

Susuman
Сусуман
 Lidnanznam
 Flag
Valdkund Venäma
Eläjiden lugu (2023) 4,297 ristitud
Pind 28 km²
Susuman Сусуман
Pämez' Aleksandr Lobov
(viluku 2016—)
Telefonkod +7−41 345-xx-xxx
Avtokod 49
Aigvö UTC+11 (MSK+8)

Istorii vajehta

Eländpunktan aluz om pandud vl 1938 žiloks samha kuldad da kivihil't. Kävutihe türmatud mehiden töid. Vl 1964 žilo sai lidnan statusad. Maižandusen da sömtegimišton edheotandad radoihe edel ristitišton enambusen sirdandad toižihe sijihe.

Kuldan i kivihilen samine oma Susumanan ižandusen päsarakoikš tähäsai.

Geografijan andmused vajehta

Lidn sijadase ühtennimižen jogen da Berelöh-jogen randoil (Koliman bassein), 650 m ü.m.t. keskmäižel korktusel. Matkad Magadanhasai om läz 600 km suvipäivnouzmha avtotedme.

Klimat om subarktine, terav kontinentaline kuiv. Paneb sadegid 195 mm vodes.

Kaik viž lidnanvuittušt žilod da seičeme muite žilod mülüdas lidnümbrikho Susumanan ližaks. Lidnümbrikon pind — 46 800 km². Eländpunktoiden pol' jäi kaikenaigaižeta ristitištota.

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 5 855 ristitud, lidnümbrikon — 9 015 ristitud. Kaikiš suremb lidnan ristitišt oli 18 tuhad eläjid vl 1991, rajonan enamba 47 tuhad eläjid vozil 1979 i 1989 (47 950 ristitud vl 1989). Vl 2017 kaik 4899 ristitud elihe lidnas i 7667 ristitud kaikes lidnümbrikos.

Ortodoksižen hristanuskondan ph. Mikulai-čudonsädajan jumalanpert'[1] om saudud vll 1991−1994.

Susumanan proflicei[2] (ende kaivuztehnikum) om lidnan professionaližen opendusen aluzkundaks.

Transport vajehta

Pen' civiline Susuman-lendimport sijadase lidnan suviröunal. Tehtas reisid Magadanhasai.

Galerei vajehta

Homaičendad vajehta

  1. Susumanan pühäpertid sobory.ru-saital. (ven.)
  2. Susumanan professionaližen licein sait (proflic.ru). (ven.)

Irdkosketused vajehta



Magadanan agjan lidnad
Magadan | Susuman