Sursk

lidn Venämas


Sursk (ven. i tot.: Сурск) om Venäman lidn da lidnankund Penzan agjan päivnouzmas. Mülüb Gorodiščen rajonha, sen kahtenz' lidn i nellänz' eländpunkt eläjiden lugun mödhe.

Sursk
Сурск
Valdkund Venäma
Eläjiden lugu (2020) 5,890 ristitud
Pind 6,37 km²
Pämez' Šamil' Nazirov
(kül'mku 2020—)
Telefonkod +7−84 158-xx-xxx
Avtokod 58
Aigvö UTC+3 (MSK+0)

Istorii vajehta

Eländpunktan aluz om pandud Astafjev-pomeššikal vl 1849 kuti Nikol'skii-futor (ven.: Никольский хутор) vatefabrikanno. Kätihe sidä lidnanvuiččes Nikol'skii futor-žiloks vl 1928. Vl 1941 valamižmehanine tegim oli evakuiruidud sihe Višnii Voločok-lidnaspäi. Žilo sai lidnan statusad Sursk-nimitisenke vn 1953 elokus, nimitihe jogen mödhe.

Sursk šingotase savičun tegimel i leibtegimel. Järed rujopoligon täudase läz lidnad.

Geografijan andmused vajehta

Lidn sijadase rajonan suves, Sur-jogen üläjoksmusen hural randal tobjimalaz (Volgan oigedpol'ne bassein), 220 m ü.m.t. keskmäižel korktusel. Matkad Penzhasai om 48 km päivlaskmha-lodeheze orhal vai 76 km avtotel. Lähembaine lidn om Gorodišče-rajonkeskuz 22 km pohjoižhe orhal vai 27 km avtotedme. Lähembaine Asejevskai-raudtestancii (ven.: Асеевская) radab koumes kilometras pohjoižhe lidnaspäi, «Penz — Sizran'»-keskustal.

Sursk om lidnankundan üks'jäine eländpunkt. Lidnankundan pind — 6,37 km².

Eläjad vajehta

Vl 1939 lidnan ristitišt oli 7 222 eläjad. Vn 2010 Venäman rahvahanlugemižen mödhe lidnan eläjiden lugu oli 7 034 ristitud, rajonan kahesandez. Kaikiš suremb lidnan ristitišt oli 11 608 eläjad vl 1959.

Rahvahad (2010): venälaižed — 78,7%, totarlaižed — 15,2%, mordvinalaižed — 4,9%, toižed rahvahad — 1,2%.

Ortodoksižen hristanuskondan Kazanin Jumalanmaman jumalaižen jumalanpert'[1] om letud vspäi 2002.

Professionaližen opendusen lähembaižed aluzkundad ratas Penz-, Zarečnii- i Kuzneck-lidnoiš.

Homaičendad vajehta

  1. Surskan pühäpertid sobory.ru-saital. (ven.)

Irdkosketused vajehta


Penzan agjan lidnad
Alalomov | Belinskii | Gorodišče | Kamenk | Kuzneck | Nikol'sk | Penz | Serdobsk | Spassk | Sursk | Zarečnii