Sudž

Sudž
Суджа
Lidnanznam;	Flag;
Valdkund	Venäma
Eläjiden lugu (2021)	5,127 ristitud
Pind	4,24 km²
Pämez'	Vitalii Slaščev; (sügüz'ku 2023—)
Telefonkod	+7−47 143-xx-xxx
Avtokod	46
Aigvö	UTC+3 (MSK+0)

Sudž (ven.: Су́джа) om Venäman lidn da lidnankund Kurskan agjan suvipäivlaskmas. Se om Sudžan rajonan administrativine keskuz.

Istorii vajehta

Nügüdläižen eländpunktan aluz om pandud vl 1664 kuti lidnuz da lidn palanuden vl 1662 suren eländpunktan sijas, nimitihe jogen mödhe. Jogen nimituz korreliruib amuižindižidenke śudhyati «kätas irgeks» i śuddhá «ireg, puhtaz» sanoidenke. Sudž sai makundan lidnan oficiališt statusad vl 1779 vai vl 1785. Šingotihe torgovanoiden lidnaks i padanikoiden pramozlal. Toižen mail'man sodan aigan lidn oli okkupiruidud nacistoil (18. reduku 1941 — 3. keväz'ku 1943).

Sudž šingotase traktoragregatoiden tegimel, sömtegimištol (voikombinat, lihakombinat, spirttegim), gazanveimiden sol'meks, mugažo muit, villänpurnud i kombisötken tegim ratas lidnas.

Geografijan andmused vajehta

Lidn sijadase rajonan keskuzpalas, Sudž-jogen alajoksmusen molembil randoil (ven.: Суджа 63 km pitte, Psölan oiged ližajogi, Dnepran hurapol'ne bassein), 135 m ü.m.t. keskmäižel korktusel.

Matkad Ukrainhasai om ühesa kilometrad päivlaskmha orhal. Matkad Kurskhasai om 82 km pohjoižpäivnouzmha orhal, 92 km avtotel vai 136 km raudtel. Lähembaižed lidnad oma Sumad (Ukrain) 48 km suvipäivlaskmha orhal, 68 km avtotedme vai 120 km raudtedme, Ril'sk 60 km lodeheze orhal, 68 km avtotedme vai 70 km raudtedme, L'gov 50 km pohjoižhe orhal, 62 km avtotedme vai 60 km raudtedme, i Obojan' 70 km päivnouzmha orhal, 83 km avtotedme vai 220 km raudtedme.

Sudž-raudtestancii radab lidnan päivnouzmas vspäi 1910, se om jüguiden täht vaiše vspäi 2013.

Tobmuz vajehta

Sudž om lidnankundan üks'jäižeks eländpunktaks. Lidnankundan pind — 4,24 km².

Lidnankundan tobmuden pämez' om sen Administracijan pämez'. Edeline Administracijan pämez' om Vladimir Djačenko (sügüz'ku 2018 — sügüz'ku 2023).

Eläjad vajehta

Vl 1939 lidnan ristitišt oli 3 674 eläjad. Vn 2010 Venäman rahvahanlugemižen mödhe lidnan eläjiden lugu oli 6 036 ristitud, rajonan kaks' ühesandest, vn 2021 — 5 127 ristitud. Kaikiš suremb lidnan ristitišt oli 12 800 eläjad vl 1913 i 8 tuhad eläjid vll 1996−1998.

Rahvahad (2010): venälaižed — 96,7 %, ukrainalaižed — 1,7 %, toižed rahvahad — 1,6 %.

Ortodoksižen hristanuskondan kaks' jumalanpertid^[1] oma kaičenus i avaitud lidnas: Jumalanmaman Katken (om saudud vll 1799−1828) i Eläban Eziauguižen Stroican da Sündun Voznesenjan (kivine variant om letud vodele 1812). Mugažo järedad jumalanpertid i Belogorskii-mez'jumalankodi ratas ezilidnas. Niiden ližaks Jumalanmaman Emäganpäivän i ph. Mikoi-arhangelan päjumalanpert' (1803−1955) ei ole kaičenus lidnas, rušihe pühäpertid savičuks.

Sudžan maižanduztehnikum^[2] i Sudžan čomamahtoiden kolledž^[3] oma lidnan professionaližen opendusen aluzkundoikš.

Galerei vajehta

Jumalanmaman Katken pühäpert', vn 2014 nägu
Eläban Eziauguižen Stroican da Sündun Voznesenjan jumalanpert', vn 2018 nägu
Puišt M. Ščepkinan nimed (2013)
Kul'turkeskuz (2012)
Sudž-raudtestancii vl 2018

Homaičendad vajehta

↑ Sudž-lidnan pühäpertid sobory.ru-saital. (ven.)
↑ Sudžan maižanduztehnikuman sait (ssht.ru). (ven.)
↑ Sudžan čomamahtoiden kolledžan sait (sti46.ru). (ven.)

Irdkosketused vajehta

Lidnankundan oficialine sait (город-суджа.рф). (ven.)

Sudž Vikiaitas

	Kurskan agjan lidnad
	Dmitrijev \| Fatež \| Kurčatov \| Kursk \| L'gov \| Obojan' \| Ril'sk \| Sudž \| Ščigri \| Železnogorsk

[1] Sudž-lidnan pühäpertid sobory.ru-saital. (ven.)

[2] Sudžan maižanduztehnikuman sait (ssht.ru). (ven.)

[3] Sudžan čomamahtoiden kolledžan sait (sti46.ru). (ven.)

[1]

[2]

[3]

Lidnanznam	Flag
Valdkund	Venäma
Eläjiden lugu (2021)	5,127 ristitud
Pind	4,24 km²

Pämez'	Vitalii Slaščev (sügüz'ku 2023—)
Telefonkod	+7−47 143-xx-xxx
Avtokod	46
Aigvö	UTC+3 (MSK+0)