Srednekolimsk

lidn Venämas


Srednekolimsk (ven.: Среднеколымск, jakut.: Орто Халыма) om Venäman lidn Saha Tazovaldkundan pohjoižpäivnouzmas. Se om Srendekolimskan ulusan (rajonan) administrativine keskuz.

Srednekolimsk
Среднеколымск (ven.)
Орто Халыма (jakut.)
 Lidnanznam
 Flag
Valdkund Venäma
Eläjiden lugu (2017) 3,488 ristitud
Pind 20 km²
Pämez' Vladimir Šaboršin
(sügüz'ku 2017—)
Telefonkod +7−41 156-xx-xxx
Avtokod 14
Aigvö UTC+11 (MSK+8)

Istorii vajehta

Nügüd'aigaižen eländpunktan aluz om pandud vl 1643 (1644) kuti Jarmong-lidnuz (Jarmank) (ven.: острог Ярмонга (Ярманка)) Kolim-jogen hural madalal randal, kus jukagiralaižiden-tahoživatvodijoiden jurtad jo oliba. Möhemba nimitihe sidä Kolimsk:aks, sid' nügüdläižikš. Eländpunkt sai lidnan statusad vl 1775.

Vl 1647 sädihe ezmäšt Koliman jarmankad. Vn 1648 kezakus Semen Dežnev-edelmatkai sebranikoidenke läksi ujuden Jarmongaspäi matkata Čukotkan pol'sares ümbri.

Lidn šingotase živatvodindal, kalankazvatusel i karvpramozlal.

Geografijan andmused vajehta

Lidn sijadase Koliman hural randal läz Ankudink-jogensud, 15 m ü.m.t. keskmäižel korktusel. Matkad Jakutskhasai om 1485 km suvipäivlaskmha orhal, 2664 km madme vai 3940 km vetme.

Lobui-külä (ven.: Лобуя, 2 rist. vl 2017) mülüb lidnankundha Srednekolimskan ližaks. Lidnankundan pind — 273,93 km².

Eläjad vajehta

Vn 2010 kaiken Venäman rahvahanlugemižen mödhe lidnan eläjiden lugu oli 3 525 ristitud, rajonan läz pol't. Kaikiš suremb ristitišt oli 4 900 eläjad vl 1992.

Transport vajehta

Civiline regionaline lendimport (SEK / СРМ) om lidnas. Sišpäi tehtas reisid Jakutskhasai da ulusadme (rajonadme). Jogivaldmad oma olmas, laivad ujudas kezakuspäi redukuhusai. Pakaižsezonan aigan kävutadas tal'veližid avtoteid ajelemha lidnhasai. Vspäi 1988 raudbetonsild ühtenzoitab Ankudink-jogen randad.

Irdkosketused vajehta



Saha Tazovaldkundan lidnad
Aldan | Jakutsk | Lensk | Mirnii | Nerüngri | Nürb | Olökminsk | Pokrovsk | Srednekolimsk | Tommot | Udačnii | Verhojansk | Vilüisk