Sigankorv
Sigankorv
Sigankorv
Tedoklassifikacii
Valdkund: Kazmused
Palakund: Änikkazmused (Magnoliophyta)
Klass: Üksidülehtesižed (Monocotyledoneae)
Kund: Alismatales
Sugukund: Aroidižed (Araceae)
Heim: Sigankorv (heim) (Calla)
Erik: Sigankorv
Latinankel'ne nimi
Calla palūstris L., 1753


Sistematik
Vikierikoiš


Kuvad
Vikiaitas

ITIS 42546
NCBI 45007

Sigankorv vai Sovehk (latin.: Calla palustris) om äivozne heinäsine kazmuz. Erik om Sigankorv-heimon (Calla) i Calloideae-alasugukundan üks'jäine. Mülüb Aroidižed-sugukundha.

Leviganduz vajehta

Kazmuz om levitadud Pohjoižen mapoliškon venon vönen sokhiš i toižiš nepsoiš maiš. Sugukundan kaikiš pohjoižemb erik.

Sigankorv kazvab letkesižil i savikahil mahusil, pil'vesenvastaine.

Ümbrikirjutand vajehta

Levedlehtesine kazmuz 10..25 sm kortte, seikh om venui. Jurišt sase üht metrad da sen enamba, sarakoičese sol'miš. Se om pall'az südäimes, 8..20 mm sankte, ližajuriden piduz om 60 sanimetrhasai. Henod juruded oma 1..2 mm sankte.

Vauktad änikod oma henomb mi 1 sm, ned sätas änikust 6 sanimetrhasai pitte. Änikoičeb semendkun keskespäi kezakun polehesai. Pölüstoitand tegese gavedil vaiše. Plodud küpsnedas ühtes kus sen jäl'ghe, elokuhusai, ned oma rusttad marjad 6..8 mm änikoiden sijas.

Sigankorv äikerdoičese semnil (ujudas hüvin) i vegetativižikš (jured, urbad), sädab žomid.

Kävutand vajehta

Kazmusen kaik palad oma morijad ristitun i järedan sar'vikahan kabjživatišton täht, no kävutase rahvahaližes medicinas irdpolespäi. Ottas preparatoid jurespäi südäimehe ümbriradmižen jäl'ghe. Mäneb sötkeks hirvile, ondatroile, buroile kondjile, majagile.

Kazvatadas sigankorvad dekorativižeks, peitab vezištoiden randoid.

Homaičendad vajehta