Puerto Iguasu (isp.: Puerto Iguazú) om lidn Argentinan pohjoižpäivnouzmaižes čogas, Mis'jones-provincijas.

Puerto Iguasu
Puerto Iguazú
Valdkund Argentin
Eläjiden lugu (2010) 82,227 ristitud
Pind 759 km²
Puerto Iguasu Puerto Iguazú
Telefonkod +54−3757
Aigvö UTC−3


Teznam Argentinan, Brazilijan da Paragvajan röunoiden ühtnendal

Istorii vajehta

Eländpunktan aluz om pandud Iguasu-vezilanktendad-londuzkompleksanno vn 1901 12. päiväl elokud. Se vedab ičezennoks äjid turistoid kaikes mail'maspäi.

Puerto Iguasu šingotase turizmal (äi adivpertid anttas radod lidnalaižile) i kalližarvoižiden kividen kaivuztegimištol (agat, ametist, kvarc, topaz), voib kodvda kaivajan radod.

Geografijan andmused vajehta

Lidn sijadase provincijan pohjoižes-lodehližes čogas, Iguasu-jogen randal, 162 m ü.m.t. keskmäižel korktusel, Brazilijan i Paragvain röunoidenno. Matkad lidnaspäi vezilanktoidehesai om 17 km. Om ühtenzoittud lähiženke braziliženke Fos du Iguasu-lidnanke sildan abul.

Klimat om subtropine neps. Voden keskmäine lämuz om +21 C°, redukun-keväz'kun +22..+26 C°, semendkun-elokun +16..+18 C°. Ekstremumad oma −5 C° i +40 C°. Paneb sadegid 1949 mm vodes, enamba redukus-vilukus (177..237 mm kus) i semendkus (192 mm), vähemba elokus (94 mm).

Eläjad vajehta

Vn 2010 Argentinan rahvahanlugemižen mödhe lidnan eläjiden lugu oli 82 227 ristitud.

Enzne lidnanpämez' — Marselo Orasio Sančes (radoi vspäi 2011).

Rahvahidenkeskeine civiline «Iguasu-vezilanktendad»-lendimport (isp.: Aeropuerto Internacional Cataratas del Iguazú, IGR / SARI, 1,5 mln passažiroid vl 2019) radab lidnas. Tehtas reisid Buenos Airesha i Argentinadme.

Irdkosketused vajehta